അന്വേഷണം വാർത്തകൾ ലഭിക്കാന്‍ വാട്സാപ്പ് ഗ്രൂപ്പില്‍ ചേരൂ.ഒരിടവേളയ്ക്കു ശേഷം മീന വീണ്ടും മലയാളത്തിലെത്തുന്ന ചിത്രമാണ് ‘ആനന്ദപുരം ഡയറീസ്’. ചിത്രത്തിന്റെ ട്രെയ്‌ലർ പുറത്തിറക്കി. അ‍‍‍‍‍ഡാറ് ലൗവ്’ എന്ന ചിത്രത്തിലൂടെ നിരവധി ആരാധകരെ സ്വന്തമാക്കിയ റോഷൻ അബ്ദുൾ റഹൂഫ് അടക്കം പുതുമുഖ താരങ്ങള്‍ അണിനിരക്കുന്ന ചിത്രത്തിൽ തമിഴ് നടൻ ശ്രീകാന്തും മനോജ് കെ. ജയനും പ്രധാന കഥാപാത്രങ്ങളെ അവതരിപ്പിക്കുന്നുണ്ട്.
പകുതി വഴിയില്‍ മുടങ്ങിപ്പോയ നിയമ പഠനം പുനരാരംഭിക്കാന്‍ എത്തുന്ന വിദ്യാർഥിയുടെ കഥാപാത്രത്തെയാണ് മീന സിനിമയില്‍ അവതരിപ്പിക്കുന്നത് എന്നാണ് ട്രെയിലർ നല്‍കുന്ന സൂചന.
ലോ കോളജ് പശ്ചാത്തലത്തിൽ ചിത്രീകരിച്ചിരിക്കുന്ന സിനിമ കുടുംബ ബന്ധങ്ങളുടെ കൂടി കഥ പറയുന്നതാണ്. ഇടം എന്ന ചിത്രത്തിന് ശേഷം ജയ ജോസ് രാജ് തിരക്കഥയെഴുതി സംവിധാനം ചെയ്യുന്ന ചിത്രമാണ് ആനന്ദപുരം ഡയറീസ്.
നീൽ പ്രൊഡക്‌ഷൻസ് ഇന്ത്യ പ്രൈവറ്റ് ലിമിറ്റഡിന്റെ ബാനറിൽ ശശി ഗോപാലൻ നായരാണ് ചിത്രത്തിന്റെ കഥയെഴുതിയിരിക്കുന്നത്.
സിദ്ധാർഥ് ശിവ, ജാഫർ ഇടുക്കി, സുധീർ കരമന, റോഷൻ അബ്ദുൾ റഹൂഫ്, മാലാ പാർവ്വതി, സിബി തോമസ്, രാജേഷ് അഴീക്കോടൻ, അഭിഷേക് ഉദയകുമാർ, ശിഖ സന്തോഷ്, നിഖിൽ സഹപാലൻ, സഞ്ജന സാജൻ, രമ്യ സുരേഷ്, ഗംഗ മീര, കുട്ടി അഖിൽ, ആർജെ അഞ്ജലി, വൃദ്ധി വിശാൽ തുടങ്ങിയ പ്രമുഖ താരങ്ങളും സിനിമയിൽ അഭിനയിക്കുന്നുണ്ട്.
കെ.എസ്. ചിത്ര ആലപിച്ച ‘ആര് നീ കൺമണി…’ എന്ന ഗാനം യൂട്യൂബില്‍ ട്രെന്‍ഡിങില്‍ ഇടംപിടിച്ചിരുന്നു. ‘ഇന്നീ ജീവിതം…’, ‘സത്യമേവ ജയതേ…’, ‘കണ്ണിലൂറുമൊരു…’ തുടങ്ങിയ ചിത്രത്തിലെ മറ്റ് ഗാനങ്ങളുടെ ലിറക്കൽ വിഡിയോയും ഇതിനോടകം പുറത്തിറങ്ങിയിട്ടുണ്ട്.
മനു മഞ്ജിത്ത്, റഫീഖ് അഹമ്മദ്, സുരേഷ് മാത്യു, സിനാൻ എബ്രഹാം എന്നിവരാണ് ചിത്രത്തിലെ ഗാനങ്ങൾ എഴുതിയിരിക്കുന്നത്. ഷാൻ റഹ്മാൻ, ആൽബർട്ട് വിജയൻ, ജാക്‌സൺ വിജയൻ എന്നിവർ ഈണം നല്‍കിയ ഗാനങ്ങൾ കെ എസ് ചിത്ര, സുജാത, സൂരജ് സന്തോഷ്, ജാക്‌സൺ വിജയൻ, റാണി സജീവ്, ദക്ഷിണ ഇന്ദു മിഥുൻ, അശ്വിൻ വിജയ്, ശ്രീജിത്ത് സുബ്രഹ്മണ്യൻ, യാസിൻ നിസാർ, മിഥുൻ ജയരാജ് എന്നിവരാണ് ആലപിച്ചിരിക്കുന്നത്.
Read More…….
- നരച്ച മുടി പിഴുത് കളയാറുണ്ടോ? ഈ കാര്യങ്ങൾ അറിഞ്ഞിരിക്കു
- ഒഴിച്ച് കറിയായി ചോറിനൊപ്പം രസം കൂട്ടാറുണ്ടോ? ഈ കാര്യങ്ങൾ ശ്രദ്ധിക്കു
- മൂന്ന് വ്യത്യസ്ത ഗെറ്റപ്പുകളിൽ ശിവകാർത്തികേയൻ: ‘അമരൻ’ ടീസർ പുറത്തിറക്കി| Amaran Official Teaser
- പോലീസുകാരുടെ ജീവിതപ്രശ്നങ്ങൾ ലഘുവായി പറഞ്ഞുവെക്കുന്ന ചിത്രം: ‘തുണ്ട്’ റിവ്യൂ| Thundu Review
- ‘നല്ല ഇൻററസ്റ്റിങ്ങായി കണ്ടിരിക്കാവുന്ന പടം’: ‘അന്വേഷിപ്പിൻ കണ്ടെത്തും’ സിനിമയെ പ്രശംസിച്ച് സിബി മലയിൽ| Anweshippin Kandethum
പോസ്റ്റ് പ്രൊഡക്ഷൻ ജോലികൾ പുരോഗമിക്കുന്ന സിനിമ മാര്‍ച്ച് ആദ്യ വാരത്തോടെ തിയറ്ററുകളിലെത്തും എന്നാണ് പ്രതീക്ഷിക്കുന്നത്.
സജിത്ത് പുരുഷനാണ് ഛായാഗ്രഹണം. എഡിറ്റിങ് ചെയ്തിരിക്കുന്നത് അപ്പു ഭട്ടതിരിയും ഷൈജാസ് കെ.എമ്മും ചേർന്നാണ്. സത്യകുമാർ, പി. ശശികല എന്നിവരാണ് സിനിമയുടെ എക്സിക്യൂട്ടീവ് പ്രൊഡ്യൂസര്‍മാര്‍.
വിനോദ് മംഗലത്താണ് പ്രൊഡക്ഷൻ കൺട്രോളർ. നാസ്സർ എമ്മാണ് ചിത്രത്തിന്റെ പ്രൊജക്ട് ഡിസൈനർ. ബാബാ ഭാസ്‌കർ, സ്പ്രിംഗ് എന്നിവര്‍ ചേര്‍ന്നാണ് കൊറിയോഗ്രാഫി നിര്‍വ്വഹിച്ചിരിക്കുന്നത്.
കല സാബു മോഹൻ, വസ്ത്രാലങ്കാരം ഫെമിന ജബ്ബാർ, മേക്കപ്പ് സിനൂപ് രാജ്–സജി കൊരട്ടി, സ്റ്റിൽസ് അജി മസ്ക്കറ്റ്, പരസ്യകല കോളിൻസ് ലിയോഫിൽ, ചീഫ് അസോഷ്യേറ്റ് ഡയറക്ടർ ഉമേശ് അംബുജേന്ദ്രൻ, അസോഷ്യേറ്റ് ഡയറക്ടർ കിരൺ എസ് മഞ്ചാടി.
അസിസ്റ്റന്റ് ഡയറക്ടർ-വിഷ്ണു വിജയൻ ഇന്ദിര, അഭിഷേക് ശശി കുമാർ, മിനി ഡേവിസ്, വിഷ്ണു ദേവ് എം.ജെ., ശരത് കുമാർ എസ്., ചീഫ് അസോഷ്യേറ്റ് ക്യാമറമാൻ ക്ലിന്റോ ആന്റണി, പ്രൊഡക്ഷൻ എക്സിക്യൂട്ടീവ് മോഹൻദാസ് എം ആർ, പ്രൊഡക്ഷൻ മാനേജർ ജസ്റ്റിൻ കൊല്ലം, അസ്ലാം പുല്ലേപ്പടി, ലോക്കേഷൻ മാനേജർ -വന്ദന ഷാജു എന്നിവരാണ് നിര്‍വഹിച്ചിരിക്കുന്നത്.
