അന്വേഷണം വാർത്തകൾ ലഭിക്കാന്‍ വാട്സാപ്പ് ഗ്രൂപ്പില്‍ ചേരൂ.അർജുൻ അശോകനും പുതുമുഖം മുബിൻ.എം. റാഫിയും കേന്ദ്ര കഥാപാത്രങ്ങളായി എത്തുന്ന ചിത്രം ‘വൺസ് അപ്പോൺ എ ടൈം ഇൻ കൊച്ചി’യുടെ മ്യുസിക് ലോഞ്ച് ജനുവരി 28ന് ലുലു മാളിൽ വച്ച് നടന്നു. കലന്തൂർ എന്റർടൈൻമെൻറ്സിന്റെ ബാനറിൽ കലന്തൂർ നിർമിച്ചു നാദിർഷയാണ് ചിത്രം സംവിധാനം ചെയ്യുന്നത്.
നടൻ ദിലീപും നടി നമിത പ്രമോദും ചേർന്നാണ് ഓഡിയോ ലോഞ്ച് ചെയ്തത്. വിവാഹത്തോട് അനുബന്ധിച്ച് നടക്കുന്ന ആഘോഷങ്ങളുടെ കാഴ്ചകൾ ഒരുക്കിയ പാട്ടാണ് പുറത്തിറങ്ങിയത്. കണ്ടേ ഞാൻ ആകാശത്ത് ഒരു… എന്നു തുടങ്ങുന്ന ഗാനമാണ് റിലീസ് ചെയ്തത്.
ഗാനത്തിന് വരികൾ എഴുതിയിരിക്കുന്നത് സുഹൈൽ കോയ. ഹിഷാം അബ്ദുൽ വഹാബും നാദിർഷയും മുഹമ്മദ് അനസും ചേർന്നാണ് പാടിയിരിക്കുന്നത്. ചിത്രത്തിന്റ പ്രൊഡ്യൂസർ കലന്തൂർ, വിഷ്ണു ഉണ്ണികൃഷ്ണൻ, കോട്ടയം നസീർ, സംവിധായകൻ റാഫി, ഷാഫി, പ്രൊഡ്യൂസർ ആൽവിൻ ആന്റണി തുടങ്ങിയവരും ചടങ്ങിൽ പങ്കെടുത്തു.
നാദിർഷാ – റാഫി കൂട്ടുകെട്ട് ഇത് ആദ്യമായാണ്. റാഫിയുടെ തിരക്കഥയിൽ ഒരു സിനിമ സംവിധാനം ചെയ്യുക എന്നത് നാദിർഷയുടെ സ്വപ്നമായിരുന്നു.
കോമഡി ത്രില്ലറായി ഒരുക്കുന്ന ചിത്രത്തിൽ അർജുൻ അശോകനും ഷൈൻ ടോം ചാക്കോയും മുഖ്യ വേഷത്തിൽ എത്തുന്നു. ദേവിക സഞ്ജയ് ആണ് നായിക. ഹിഷാം അബ്ദുൽ വഹാബ് ആണ് ചിത്രത്തിന് സംഗീതം ഒരുക്കുന്നത്. ഛായാഗ്രഹകൻ ഷാജികുമാർ,എഡിറ്റർ ഷമീർ മുഹമ്മദ്. പ്രോജക്ട് ഡിസൈനർ സൈലക്സ് എബ്രഹാം.
READ MORE: ” റൂട്ട് നമ്പർ 17 “
പ്രൊഡക്ഷൻ ഡിസൈനിംഗ് സന്തോഷ് രാമൻ,മേക്കപ്പ് റോണെക്സ് സേവ്യർ, കോസ്റ്റ്യൂം അരുൺ മനോഹർ, പ്രൊഡക്ഷൻ കൺട്രോളർ ശ്രീകുമാർ ചെന്നിത്തല, ചീഫ് അസോസിയേറ്റ് ഡയറക്ടർ ദീപക് നാരായൺ. പി ആർ ഓ മഞ്ജു ഗോപിനാഥ്, സ്റ്റിൽസ് യൂനസ് കുണ്ടായ്. ഡിസൈൻസ് മാക്ഗുഫിൻ. ചിത്രം ഫെബ്രുവരി 23 ന് തിയേറ്ററുകളിൽ എത്തും.
അന്വേഷണം വാർത്തകൾ വാട്ട്സപ്പിൽ ലഭിക്കാൻ ഇവിടെ ക്ലിക്ക് ചെയ്യൂ
