അന്വേഷണം വാർത്തകൾ ലഭിക്കാന്‍ വാട്സാപ്പ് ഗ്രൂപ്പില്‍ ചേരൂ.ഉപ്പുമാവ് ഇഷ്ടമില്ലാത്ത മലയാളികളുണ്ടോ ? ഒട്ടും കട്ടകെട്ടാതെ തരി തരി ആയിട്ടുള്ള റവയുടെ സോഫ്റ്റ് ഉപ്പുമാവ് എത്ര കഴിച്ചാലും മതിവരില്ല. പ്രത്യേകിച്ച് കുട്ടികള്‍ക്ക് ഇത് വളരെ ഇഷ്ടമാണ്. എന്നാല്‍ ഇന്ന് ബ്രേക്ക്ഫാസ്റ്റ് ആയി ഒരു കിടിലന്‍ വെറൈറ്റി ഉപ്പുമാവ് തയ്യാറാക്കിയാലോ ?
ആവശ്യമായ ചേരുവകൾ
- റവ – 1 കപ്പ്
- ബീറ്റ്റൂട്ട് – 1 എണ്ണം, ഗ്രേറ്റ് ചെയ്തത്
- സവാള – 1 ചെറുതായി അരിഞ്ഞത്
- തക്കാളി – ഒന്നിന്റെ പകുതി
- പച്ചമുളക് – 2 എണ്ണം
- വറ്റല്‍മുളക് – 1
- കറിവേപ്പില – ആവശ്യത്തിന്
- ഉപ്പ് – ആവശ്യത്തിന്
- വെളിച്ചെണ്ണ – ആവശ്യത്തിന്
Read more :
- രുചിക്കൊപ്പം ആരോഗ്യവും പകർന്ന് നൽകാൻ മുരിങ്ങയ്ക്ക സൂപ്പ് വീട്ടിലുണ്ടാക്കാം!!!!!
- മസാലപ്പൊടി ചേർക്കുകയേ വേണ്ട! നല്ല കിടിലന്‍ ഉള്ളിക്കറി തയ്യാറാക്കാം ഞൊടിയിടയില്‍
തയ്യാറാക്കുന്ന വിധം
ആദ്യം ഒരു കടായി അടുപ്പില്‍ വച്ച് വെളിച്ചെണ്ണ ഒഴിച്ച് കടുക് പൊട്ടിക്കുക, അതിലേക്ക് വറ്റല്‍ മുളക്, കറിവേപ്പില എന്നിവയിട്ട് മൂപ്പിക്കുക. ശേഷം സവാള, തക്കാളി, പച്ചമുളക്, ബീറ്റ്റൂട്ട് എന്നിവ ഇട്ട് കുറച്ച് നേരം അടച്ചു വച്ച് വേവിക്കുക.
ഇനി റവ അതിലേക്ക് ഇട്ട് കുറച്ചു നേരം വറുക്കണം.വറുത്തു വന്നാല്‍ അതിലേക്ക് ആവശ്യത്തിന് തിളച്ച വെള്ളം ഒഴിച്ച് കൊടുക്കുക. പാകത്തിന് ഉപ്പ് ഇട്ട ശേഷം നന്നായി മിക്സ് ചെയ്ത് അടച്ചു വച്ച് വേവിച്ചെടുക്കാം.
