×

Home Remedies | വീട്ടിലെ മീൻ നാറ്റം എളുപ്പത്തിൽ മാറ്റാൻ ഈ പൊടികൈകൾ പരീക്ഷിക്കാം

google news
fb
വീട്ടിൽ മീൻ വാങ്ങിയാൽ  പിന്നെ ആ മണം വീട് മുഴുവൻ പരക്കുമെന്നതിൽ സംശയം വേണ്ട. മീൻ കറി വച്ചാലും വറുത്താലും മണം വരുന്നത് സ്വാഭാവികമാണ്. ഇത് മാറ്റാൻ പല വഴികളും ശ്രമിക്കാറുണ്ട്. വീട്ടിലെ മീൻ നാറ്റം മാറ്റാൻ ചില പൊടികൈകൾ പരീക്ഷിക്കാം


എക്സ്ഹോസ്റ്റ് ഫാൻ 

    മത്സ്യ വിഭവങ്ങൾ പാകം ചെയ്യുമ്പോൾ എക്സ്ഹോസ്റ്റ് ഫാൻ ഉപയോഗിക്കാൻ ശ്രമിക്കുക. പൊതുവെ ഇപ്പോഴത്തെ അടുക്കളയിൽ മണവും പുകയുമൊക്കെ പുറത്തേക്ക് പോകാനുള്ള വഴികളൊക്കെ നിലവിലുണ്ട്. ചിമ്മിനി ഉപയോഗിച്ചാൽ ദുർഗന്ധം എളുപ്പത്തിൽ പുറത്ത് പോകാൻ സഹായിക്കും.


വിനാഗിരിയും വെള്ളവും

    മീൻ പാകം ചെയ്യുമ്പോൾ ഒരു പാനിൽ വെള്ളം ഒഴിച്ച് തിളപ്പിക്കുക. ഇതിലേക്ക് രണ്ടോ മൂന്നോ സ്പൂൺ വിനാഗിരി ചേർക്കുക. വെള്ളം നന്നായി തിളച്ച് വരണം. ഈ വെള്ളവും അത് പുറപ്പെടുവിക്കുന്ന നീരാവിയും ദുർഗന്ധം കുറയ്ക്കാൻ വളരെയധികം സഹായിക്കും.


കറുവാപ്പട്ട

     വിനാഗിരി തിളപ്പിച്ച വെള്ളത്തിൽ കറുവപ്പട്ട ചേർക്കുക. ഇതോടൊപ്പം, രണ്ടോ മൂന്നോ തുള്ളി എണ്ണയും ചേർക്കാം. അടുക്കള മാത്രമല്ല, വീടുമുഴുവൻ സുഗന്ധം കൊണ്ട് നിറയ്ക്കാൻ ഇത് സഹായിക്കും.


എയർ ഫ്രെഷ്നർ

     മറ്റ് വഴികൾ ഒന്നും ചെയ്യാൻ പറ്റാത്തവർക്ക് വേണമെങ്കിൽ സുഗന്ധത്തിനായി എയർ ഫ്രെഷനർ ഉപയോഗിക്കാം. മീൻ വറുത്ത ഉടനെ ഉപയോഗിക്കരുത്. കുറച്ചുനേരം ഫാൻ ഓണാക്കി ഫ്രഷ്നർ ഉപയോഗിക്കുക. ഈ സുഗന്ധവും ഫാനിലെ വായുവും ചേർന്ന് വീടിനകത്തെ മത്സ്യഗന്ധം അകറ്റുന്നു.


വ്യത്തിയാക്കുക

    മീൻ വറുക്കുകയോ കറി വയ്ക്കുകയോ ചെയ്ത ശേഷം എത്രയും വേഗം അടുക്കള വ്യത്തിയാക്കാൻ ശ്രമിക്കുക. മീനിൻ്റെ അവശിഷ്ടങ്ങൾ തുടച്ച് വ്യത്തിയാക്കുന്നത് ദുർഗന്ധം തടയാൻ ഏറെ സഹായിക്കും. സ്റ്റൗവിലും കൗണ്ടർ ടോപ്പിലുമൊക്കെ വീണ് കിടക്കുന്ന അവശിഷ്ടങ്ങൾ പലപ്പോഴും അടുക്കള മുഴുവൻ നാറ്റം സൃഷ്ടിക്കും.


കാപ്പിപൊടി

    ഒരു പാത്രത്തിൽ വിനാഗിരിയും അൽപ്പം കാപ്പിപൊടിയും ചേർത്ത് കൗണ്ടർ ടോപ്പിൽ വച്ചാൽ ദുർഗന്ധം ആഗിരണം ചെയ്യാൻ സാധിക്കും.

Read also: Home Remedies | പാത്രം കരിഞ്ഞാല്‍ വൃത്തിയാക്കാൻ പാടുപെടേണ്ട

അന്വേഷണം വാർത്തകൾ വാട്സാപ്പിൽ ലഭിക്കാൻ ഇവിടെ ക്ലിക്ക് ചെയ്യുക