അന്വേഷണം വാർത്തകൾ ലഭിക്കാന്‍ വാട്സാപ്പ് ചാനലില്‍ ചേരൂ.ന്യൂഡൽഹി : പ്രധാനമന്ത്രി നരേന്ദ്രമോദിയുമായി കേന്ദ്രആഭ്യന്തരമന്ത്രി അമിത് ഷാ കൂടിക്കാഴ്ച നടത്തി. യുഎസ്, ഈജിപ്ത് സന്ദര്‍ശനം കഴിഞ്ഞെത്തിയ ശേഷമാണ് കൂടിക്കാഴ്ച നടത്തിയത് .മണിപ്പുർ കലാപസാഹചര്യം പ്രധാനമന്ത്രിയെ ധരിപ്പിച്ചു. മണിപുര്‍ വിഷയത്തില്‍ പ്രധാനമന്ത്രി നരേന്ദ്ര മോദിക്കെതിരെ പ്രതിപക്ഷം രൂക്ഷ വിമര്‍ശനം ഉയര്‍ത്തുന്ന പശ്ചാത്തലത്തിലാണു കൂടിക്കാഴ്ച. മണിപുര്‍ മുഖ്യമന്ത്രിയുമായും അമിത് ഷാ കൂടിക്കാഴ്ച നടത്തിയിരുന്നു.
Read More:എംബിബിഎസ് വിദ്യാർഥിനി റഷ്യയിൽ മുങ്ങിമരിച്ചു; മരിച്ചത് മലയാളി
മണിപ്പുർ കലാപവുമായി ബന്ധപ്പെട്ട് കഴിഞ്ഞ ദിവസം അമിത്ഷാ സർവകക്ഷിയോഗം വിളിച്ചിരുന്നു. വിഷയത്തിൽ പ്രധാനമന്ത്രി പുലർത്തുന്ന നിശബ്ദത ദൗർഭാഗ്യകരമാണെന്ന് പ്രതിപക്ഷ പാർട്ടികൾ കുറ്റപ്പെടുത്തി. എന്നാൽ, മോദി പരസ്യമായി പ്രതികരിച്ചില്ലെന്നതുകൊണ്ട് അദ്ദേഹം പ്രശ്നത്തിൽ ഇടപെടുന്നില്ല എന്നർഥമില്ലെന്ന് അമിത് ഷാ വിശദീകരിച്ചു. അദ്ദേഹം സ്ഥിതി വിലയിരുത്തുകയും നിർദേശങ്ങൾ നൽകുകയും ചെയ്യുന്നുണ്ടെന്നും അമിത് ഷാ പറഞ്ഞു.
യോഗത്തിൽ മണിപ്പുർ മുഖ്യമന്ത്രി ബിരേൻ സിങ് രാജിവയ്ക്കണമെന്നാവശ്യപ്പെട്ട പ്രതിപക്ഷ നേതാക്കൾ സംസ്ഥാനത്തേക്കു സർവകക്ഷി സംഘത്തെ അയയ്ക്കണമെന്നും ആവശ്യപ്പെട്ടിരുന്നു. സർവകക്ഷിയോഗം വിളിക്കുന്നതിൽ സർക്കാർ കാലതാമസം വരുത്തിയെന്നും വിമർശനമുണ്ടായി. ആരോഗ്യകരമായ ചർച്ചയാണ് നടന്നതെന്നും യോഗത്തിൽ ഉയർന്ന നിർദേശങ്ങളുടെ അടിസ്ഥാനത്തിൽ വരുംദിവസങ്ങളിൽ ഉചിതമായ തീരുമാനമെടുക്കുമെന്നും അമിത് ഷാ മറുപടി നൽകി.
അന്വേഷണം വാർത്തകൾ വാട്സ്ആപ്പിലൂടെ ലഭിക്കാൻ ക്ലിക്ക് ചെയ്യു,
നിങ്ങൾ അറിയാൻ ആഗ്രഹിക്കുന്ന വാർത്തകൾ നിങ്ങളുടെ Facebook Feed ൽ Anweshanam
നിങ്ങൾ അറിയാൻ ആഗ്രഹിക്കുന്ന വാർത്തകൾ നിങ്ങളുടെ ടെലിഗ്രാമിൽ അന്വേഷണം
