×

പ്രധാനമന്ത്രിയുടെ ചിത്രമുള്ള ബോർഡുകൾ കോർപറേഷൻ അഴിച്ചുമാറ്റിയെന്ന് ബിജെപി, തൃശൂരിൽ പ്രതിഷേധം

google news
download (75)

തൃശൂർ: പ്രധാനമന്ത്രി നരേന്ദ്ര മോദിയുടെ തൃശൂർ സന്ദർശനത്തിൻ്റെ പ്രചരണാർഥം സ്വരാജ് റൗണ്ടിൽ സ്ഥാപിച്ച ബോർഡുകൾ കോർപറേഷൻ അധികൃതർ അഴിച്ചുമാറ്റിയെന്ന് ആരോപിച്ച് ബിജെപി പ്രതിഷേധം. കോർപറേഷൻ കവാടത്തിൽ ബിജെപി പ്രവർത്തകർ ബോർഡ് സ്ഥാപിച്ച് പ്രതിഷേധിച്ചു.

പ്രധാനമന്ത്രിയുടെ തൃശൂർ സന്ദർശനവുമായി ബന്ധപ്പെട്ട് സ്വരാജ് റൗണ്ടിലെ വിവിധ ഭാഗങ്ങളിൽ ഫ്ലക്സ് ബോർഡുകൾ സ്ഥാപിച്ചിരുന്നു. രാവിലെ കോർപറേഷൻ അധികൃതർ എത്തി ബോർഡുകൾ എടുത്തുമാറ്റിയെന്നാണ് ബിജെപി ആരോപിക്കുന്നത്. തുടർന്ന് പ്രതിഷേധവുമായി പ്രവർത്തകർ രംഗത്തെത്തുകയായിരുന്നു. എന്നാൽ അപകടകരമായി സ്ഥാപിച്ചിരുന്ന ബോർഡുകളാണ് മാറ്റുന്നതെന്നായിരുന്നു അധികൃതരുടെ വിശദീകരണം

ബിജെപി ജില്ലാ അധ്യക്ഷൻ കെകെ അനീഷ് കുമാറിൻറെ നേതൃത്വത്തിലാണ് പ്രവർത്തകർ പ്രതിഷേധിച്ചത്. ഇതേ തുടർന്ന് കോർപറേഷൻ ശ്രമത്തിൽനിന്നു പിൻവാങ്ങി. അഴിച്ച ബോർഡുകൾ പ്രവർത്തകർ തിരികെ കെട്ടി. സംഭവത്തെ തുടർന്ന് ഏറെ നേരം സ്ഥലത്ത് സംഘർഷാവസ്ഥ ഉടലെടുത്തു. ഇതിനിടെ സ്ഥലത്തെത്തിയ ഈസ്റ്റ് പോലീസ് സ്ഥിതിഗതികൾ നിയന്തിച്ചു. കോർപറേഷൻ കവാടത്തിൽ ഫ്ലക്സ് ബോർഡ് സ്ഥാപിച്ച് പ്രതിഷേധിച്ച ശേഷമാണ് പ്രവർത്തകർ മടങ്ങിയത്.

നവകേരള സദസ്സ് ഉൾപ്പെടെ തൃശൂരിൽ നടന്ന സമയത്ത് മുഖ്യമന്ത്രിയുടേതടക്കമുള്ള ഫ്ലക്സ് ബോർഡുകൾ നഗരത്തിൽ സ്ഥാപിച്ചിരുന്നുവെന്നും ഇത് കോർപറേഷൻ അഴിച്ചു മാറ്റിയിരുന്നില്ലെന്നും ബിജെപി ആരോപിച്ചു.

അന്വേഷണം വാർത്തകൾ വാട്സ്ആപ്പിലൂടെ ലഭിക്കാൻ ക്ലിക്ക് ചെയ്യു

Tags