അന്വേഷണം വാർത്തകൾ ലഭിക്കാന്‍ വാട്സാപ്പ് ഗ്രൂപ്പില്‍ ചേരൂ.കോട്ടയം: പുതുപ്പള്ളി ഉപതിരഞ്ഞെടുപ്പിൽ അസന്നിഹിത വോട്ട് ഇന്നു മുതൽ. 80 വയസ്സിനു മുകളിൽ പ്രായമുള്ളവർക്കും ശാരീരിക വെല്ലുവിളി നേരിടുന്നവർക്കും ഇന്നു മുതൽ സെപ്റ്റംബർ 2 വരെ സ്വന്തം വീടുകളിൽ വോട്ട് ചെയ്യാം. അസന്നിഹിത വോട്ടിനായി അപേക്ഷ നൽകിയവരുടെ വീടുകളിൽ പ്രത്യേക പോളിങ് സംഘം സന്ദർശിക്കും. ഈ അവസരത്തിൽ വോട്ട് ചെയ്യാൻ കഴിയാത്തവർക്ക് പിന്നീട് വോട്ട് ചെയ്യാൻ കഴിയില്ല.
read more മദ്യ ലഹരിയിൽ കാറോടിച്ച് കെഎസ്ആർടിസി ബസിൽ ഇടിച്ചു: പൊലീസുകാരനെ നാട്ടുകാർ പിടികൂടി
അതേസമയം, പുതുപ്പള്ളി ഉപതിരഞ്ഞെടുപ്പിൽ ഉപയോഗിക്കുന്ന വോട്ടിങ് യന്ത്രങ്ങളുടെ കാൻഡിഡേറ്റ് സെറ്റിങ്ങിന് വെള്ളിയാഴ്ച തുടക്കമായി. രാവിലെ 8 മുതൽ വൈകിട്ട് 6 വരെയാണ് സെറ്റിങ് നടക്കുക. ബസേലിയസ് കോളജിലെ സ്ട്രോങ് റൂമുകളിൽ സൂക്ഷിച്ചിരിക്കുന്ന വോട്ടിങ് യന്ത്രങ്ങളിൽ കേന്ദ്ര നിരീക്ഷകന്റെയും രാഷ്ട്രീയ പാർട്ടി പ്രതിനിധികളുടെയും സാന്നിധ്യത്തിലാണ് കാൻഡിഡേറ്റ് സെറ്റിങ് നടത്തുന്നത്.
വരണാധികാരിക്കാണ് ചുമതല. സ്ഥാനാർഥികളുടെ പേരും ഫോട്ടോയും ചിഹ്നവുമുള്ള ലേബൽ ബാലറ്റ് യൂണിറ്റിൽ വച്ച് സീൽ ചെയ്യും. വോട്ടു ചെയ്യുമ്പോൾ സ്ലിപ് പ്രിന്റ് ചെയ്യുന്ന വിധത്തിൽ വിവിപാറ്റ് യന്ത്രങ്ങൾ ബാറ്ററി ഇട്ട് സജ്ജമാക്കും.
അന്വേഷണം വാർത്തകൾ വാട്സ്ആപ്പിലൂടെ ലഭിക്കാൻ ക്ലിക്ക് ചെയ്യു,
നിങ്ങൾ അറിയാൻ ആഗ്രഹിക്കുന്ന വാർത്തകൾ നിങ്ങളുടെ Facebook Feed ൽ Anweshanam
നിങ്ങൾ അറിയാൻ ആഗ്രഹിക്കുന്ന വാർത്തകൾ നിങ്ങളുടെ ടെലിഗ്രാമിൽ അന്വേഷണം
അന്വേഷണം വാർത്തകൾ അറിയാൻ Threads– ൽ Join ചെയ്യാം
