കൊച്ചി: ഡോ.വന്ദന കൊലക്കേസില് സിബിഐ അന്വേഷണം ആവശ്യപ്പെട്ടുള്ള ഹര്ജിയില് ഹൈക്കോടതി നാളെ വിധി പറയും. നിലവിലുള്ള പോലീസ് അന്വേഷണം കാര്യക്ഷമമല്ലെന്നു ചൂണ്ടിക്കാട്ടി വന്ദനയുടെ അച്ഛന് മോഹന്ദാസ് നല്കിയ ഹര്ജിയിലാണ് വിധി.
ജസ്റ്റീസ് ബച്ചു കുര്യന് തോമസ് ആണ് ഹര്ജിയില് വിധി പറയുക. കേസില് പ്രതി സന്ദീപിന് ജാമ്യം നല്കണമെന്ന് ആവശ്യപ്പെട്ട് നല്കിയ ഹര്ജിയിലും നാളെ ഉത്തരവുണ്ടാകും.
കേസിൽ സിബിഐ അന്വേഷണത്തിന്റെ ആവശ്യമില്ലെന്നാണ് സർക്കാർ നിലപാട്. അന്വേഷണം കാര്യക്ഷമമാണെന്നും രക്ഷിതാക്കൾക്ക് എന്തെങ്കിലും പരാതി ഉണ്ടെങ്കിൽ അത് കേൾക്കാൻ തയ്യാറാണെന്നും സർക്കാർ അറിയിച്ചു.
അന്വേഷണം വാർത്തകൾ വാട്സാപ്പിൽ ലഭിക്കാൻ ഇവിടെ ക്ലിക്ക് ചെയ്യൂ