അന്വേഷണം വാർത്തകൾ ലഭിക്കാന്‍ വാട്സാപ്പ് ഗ്രൂപ്പില്‍ ചേരൂ.കണ്ണൂർ:രണ്ടുദിവസത്തെ കളരിപ്പയറ്റ് ചാമ്പ്യൻഷിപ്പും കളരിപ്പയറ്റ് മഹോത്സവവും കോർജാൻ യു.പി. സ്കൂൾ മൈതാനത്ത് തുടങ്ങി.നൂറോളം കളരികളിൽനിന്നുള്ള അഭ്യാസികളാണ് പങ്കെടുക്കുന്നത്. ജില്ലാ കളരിപ്പയറ്റ് അസോസിയേഷൻ, കണ്ണൂർ പയ്യമ്പള്ളി കളരിസംഘം, നോർത്ത് മലബാർ ടൂറിസം ഓർഗനൈസേഷൻ എന്നിവ സംയുക്തമായാണ് സംഘടിപ്പിക്കുന്നത്.കെ.വി.സുമേഷ് എം.എൽ.എ. ഉദ്ഘാടനം ചെയ്തു. ടി.വി.മധുകുമാർ അധ്യക്ഷനായി.കളിപ്പയറ്റ് അസോസിയേഷൻ ജില്ലാ സെക്രട്ടറി സോമൻ ഗുരുക്കൾ മുഖ്യാതിഥിയായി.
കോർപ്പറേഷൻ സ്ഥിരംസമിതി ചെയർമാൻ സുരേഷ്ബാബു എളയാവൂർ, പി.ശശീന്ദ്രൻ ഗുരുക്കൾ, കെ.ജി.ബാബു, പ്രഥമാധ്യാപിക ടി.വി.വിനീത, സദാശിവൻ ഗുരുക്കൾ, ദിനേശൻ ഗുരുക്കൾ,സത്യൻ എടക്കാട് എന്നിവർ സംസാരിച്ചു
ഞായറാഴ്ച വൈകീട്ട് അഞ്ചിന് നടക്കുന്ന സമാപനസമ്മേളനം മന്ത്രി രാമചന്ദ്രൻ കടന്നപ്പള്ളി ഉദ്ഘാടനം ചെയ്യും.ക്രൈംബ്രാഞ്ച് എസ്.പി. പി.പി.സദാനന്ദൻ സമ്മാനം നൽകും.
