×

ചരിത്രത്തിലാദ്യമായി മിസിസിപ്പി എപ്പിസ്‌കോപ്പൽ സഭയിൽ വനിതയ്ക്ക് ബിഷപ് സ്ഥാനം

google news
1_nX-GamZ3CVacrDZiHsvtbA

മിസിസിപ്പി ∙ മിസിസിപ്പിയിലെ എപ്പിസ്‌കോപ്പൽ സഭ തങ്ങളുടെ പുതിയ ബിഷപ്പായി ഡോ. ഡൊറോത്തി സാൻഡേഴ്‌സ് വെൽസിനെ  തിരഞ്ഞെടുത്തു. മിസിസിപ്പി സഭയുടെ പതിനൊന്നാമത് ബിഷപ്പാണ് വെൽസ്  ചരിത്രത്തിലാദ്യമായി സഭയെ നയിക്കാൻ തിരഞ്ഞെടുക്കപ്പെട്ട വനിതയും  കറുത്തവർഗ്ഗക്കാരിയുമാണ് ഇവർ.  മിസിസിപ്പിയിലെ ബിഷപ് ബ്രയാൻ സീജിന്‍റെ പിൻഗാമിയായാണ് വെൽസ് എത്തുന്നത്.

ഇതൊരു ചരിത്ര മുഹൂർത്തമാണെന്നും നമ്മുടെ ചരിത്രത്തിലെ പുതിയ അധ്യായം കുറിക്കുന്നുവെന്നും ബിഷപ് ബ്രയാൻ സീജ് പറഞ്ഞു. ഞങ്ങൾ ആദ്യമായാണ് ഒരു വനിതയെ ബിഷപ് പദവിയിലേക്ക് തിരഞ്ഞെടുക്കുന്നത്. ഇത് നമ്മുടെ സഭയ്ക്കുള്ളിൽ മാറ്റത്തിന്‍റെ അലയൊലി സൃഷ്ടിക്കുമെന്ന് കരുതുന്നതായി അദ്ദേഹം പറഞ്ഞു.

ടെനിസിയിലെ ജർമൻടൗണിലുള്ള സെന്‍റ് ജോർജ് എപ്പിസ്‌കോപ്പൽ സഭ റെക്ടറും സഭയുടെ പ്രീസ്‌കൂൾ ചാപ്ലെയിനും ആണ്. വെൽസ്, 2013 മുതൽ വെൽസ് സഭാ സേവനത്തിലാണ്.  ജൂലൈ 20ന് ബിഷപ്പായി വെൽസ് അഭിഷേകം ചെയ്യപ്പെടും.

അന്വേഷണം വാർത്തകൾ വാട്സ്ആപ്പിലൂടെ ലഭിക്കാൻ ക്ലിക്ക് ചെയ്യു

Tags