അന്വേഷണം വാർത്തകൾ ലഭിക്കാന്‍ വാട്സാപ്പ് ഗ്രൂപ്പില്‍ ചേരൂ.
ലണ്ടന്‍: എഫ് എ കപ്പ് കിരീടം മാഞ്ചസ്റ്റർ സിറ്റി സ്വന്തമാക്കി. ഇന്ന് വെംബ്ലിയിൽ നടന്ന ഫൈനലിൽ മാഞ്ചസ്റ്റർ യുണൈറ്റഡിനെ തോൽപ്പിപ്പിച്ചാണ് മാഞ്ചസ്റ്റർ സിറ്റി എഫ് എ കപ്പിൽ മുത്തമിട്ടത്. ഒന്നിനെതിരെ രണ്ടു ഗോളുകൾക്ക് ആയിരുന്നു മാഞ്ചസ്റ്റർ സിറ്റിയുടെ വിജയം. ക്യാപ്റ്റൻ ഗുണ്ടോഗൻ നേടിയ ഇരട്ട ഗോളുകൾ ആണ് സിറ്റിക്ക് കിരീടം ഉറപ്പിച്ചു കൊടുത്തത്. സിറ്റിയുടെ ഏഴാം എഫ്.എ.കപ്പ് കിരീടമാണിത്.
ഈ സീസണില്‍ സിറ്റി നേടുന്ന രണ്ടാം കിരീടമാണിത്. 2022-2023 സീസണ്‍ ഇംഗ്ലീഷ് പ്രീമിയര്‍ ലീഗ് കിരീടം സിറ്റി സ്വന്തമാക്കിയിരുന്നു. വരാനിരിക്കുന്ന ചാമ്പ്യന്‍സ് ലീഗ് ഫൈനലില്‍ ഇന്റര്‍ മിലാനെ കീഴടക്കിയാല്‍ പെപ്പ് ഗാര്‍ഡിയോളയ്ക്കും സംഘത്തിനും ഹാട്രിക്ക് കിരീടം നേടാം.
Read more: ഒഡിഷ ട്രെയിൻ ദുരന്തം: മരണം 288 ആയി; ചികിത്സയിൽ കഴിയുന്നവരുടെ നില ഗുരുതരം
വെംബ്ലിയിൽ കളി തുടങ്ങി സെക്കൻഡുകൾക്കകം മാഞ്ചസ്റ്റർ സിറ്റി ലീഡ് നേടി. സിറ്റി ഗോൾ കീപ്പർ ഒർടെക നൽകിയ ലോങ് ബോൾ ഡിഫൻസ് ചെയ്യാൻ യുണൈറ്റഡ് താരങ്ങൾ പരാജയപ്പെട്ടപ്പോൾ ഗുണ്ടോഗൻ ഒരു ഗംഭീര സ്‌ട്രൈക്കിലൂടെ ഗോളാക്കി മാറ്റി. ഗോൾ വീഴുമ്പോൾ കളി തുടങ്ങി വെറും 12 സെക്കൻഡുകൾ മാത്രമാണ് പിന്നിട്ടിരുന്നത്.
33-ാം മിനിറ്റിൽ പെനാൽറ്റിയിലൂടെ യുണൈറ്റഡ് മത്സരത്തിൽ തിരിച്ചെത്തി. പെനാൽറ്റിയെടുത്ത ബ്രൂണോ ഫെർണാണ്ടസ് ഒട്ടുംപിഴയ്ക്കാതെ പന്ത് വലയിലെത്തിച്ചു. സ്‌കോർ 1-1. രണ്ടാം പകുതിയുടെ തുടക്കത്തിൽ തന്നെ സിറ്റി അവസരങ്ങൾ സൃഷ്ടിച്ചുകൊണ്ടിരുന്നു. 51-ാം മിനിറ്റിൽ കോർണർ കിക്കിൽ പെനാൽറ്റി ബോക്‌സിന് പുറത്തുനിന്നായിരുന്നു ഗുണ്ടോഗന്റെ ഗോൾ.
അന്വേഷണം വാർത്തകൾ വാട്സ്ആപ്പിലൂടെ ലഭിക്കാൻ ക്ലിക്ക് ചെയ്യു,
നിങ്ങൾ അറിയാൻ ആഗ്രഹിക്കുന്ന വാർത്തകൾ നിങ്ങളുടെ Facebook Feed ൽ Anweshanam
