ലോ​ക അ​ക്വാ​ട്ടി​ക്: മെ​ഡ​ൽ ​പ​ട്ടി​ക​യി​ൽ ചൈ​നീ​സ് കു​തി​പ്പ്

ദോ​ഹ: ഏ​ഷ്യ​ൻ ക​പ്പ് ഫു​ട്ബാ​ൾ ആ​വേ​ശ​ത്തി​നി​ടെ ജ​ല​കാ​യി​ക മ​ത്സ​ര​ങ്ങ​ളി​ലും ലോ​ക​ത്തി​ന്റെ ശ്ര​ദ്ധാ​കേ​ന്ദ്ര​മാ​യി ദോ​ഹ. ​ലോ​ക​ത്തെ മു​ൻ​നി​ര കാ​യി​ക താ​ര​ങ്ങ​ൾ മ​ത്സ​രി​ക്കു​ന്ന 21ാമ​ത് വേ​ൾ​ഡ് അ​ക്വാ​ട്ടി​ക് ചാ​മ്പ്യ​ൻ​ഷി​പ് വി​ജ​യ​ക​ര​മാ​യി പു​രോ​ഗ​മി​ക്കു​ന്നു. വെ​ള്ളി​യാ​ഴ്ച തു​ട​ക്കം കു​റി​ച്ച ചാ​മ്പ്യ​ൻ​ഷി​പ്പി​ന്റെ ഔ​ദ്യോ​ഗി​ക ഉ​ദ്ഘാ​ട​നം ഞാ​യ​റാ​ഴ്ച പ്ര​ധാ​ന വേ​ദി​ക​ളി​ലൊ​ന്നാ​യ ആ​സ്പ​യ​ർ ഡോ​മി​ൽ ന​ട​ന്നു. പു​രു​ഷ വ​നി​ത വി​ഭാ​ഗ​ങ്ങ​ളി​ൽ ഡൈ​വി​ങ്, ആ​ർ​ടി​സ്റ്റി​ക് സ്വി​മ്മി​ങ് ഉ​ൾ​പ്പെ​ടെ ഇ​ന​ങ്ങ​ളാ​ണ് ആ​ദ്യ ദി​ന​ങ്ങ​ളി​ൽ പൂ​ർ​ത്തി​യാ​യ​ത്. ര​ണ്ടു ദി​വ​സ​ത്തി​നു​ള്ളി​ൽ മൂ​ന്ന് സ്വ​ർ​ണ മെ​ഡ​ലു​ക​ൾ സ്വ​ന്ത​മാ​ക്കി ചൈ​ന കു​തി​പ്പ് തു​ട​ങ്ങി. ബ്രി​ട്ട​ൻ, ആ​സ്ട്രേ​ലി​യ, മെ​ക്സി​കോ, ഗ്രീ​സ്, ഹം​ഗ​റി, നെ​ത​ർ​ല​ൻ​ഡ്സ് ടീ​മു​ക​ൾ ഓ​രോ സ്വ​ർ​ണം നേ​ടി​ക്ക​ഴി​ഞ്ഞു.

Read also: 2026 ഫിഫ ലോകകപ്പ് ഫൈനൽ അമേരിക്കയിലെ ന്യൂ ജഴ്സിയിൽ; ഉദ്ഘാടന മത്സരം മെക്സിക്കോയിലും

ഓ​ൾ​ഡ് പോ​ർ​ട്ടി​ൽ ആ​വേ​ശ​മാ​യി മാ​ര​ത്ത​ൺ നീ​ന്ത​ൽ
   ലോ​ക​അ​ക്വാ​ട്ടി​ക് ചാ​മ്പ്യ​ൻ​ഷി​പ്പി​ൽ ശ​നി, ഞാ​യ​ർ ദി​വ​സ​ങ്ങ​ളി​ലാ​യി ന​ട​ന്ന 10 കി.​​മീ​റ്റ​ർ ഓ​പ​ൺ വാ​ട്ട​ർ നീ​ന്ത​ൽ മ​ത്സ​ര​മാ​യി​രു​ന്നു ശ്ര​ദ്ധേ​യം. ഓ​ൾ​ഡ് ദോ​ഹ പോ​ർ​ട്ടി​ലെ ക​ട​ലി​ൽ ലോ​ക​താ​ര​ങ്ങ​ൾ മാ​റ്റു​ര​ച്ച മ​ത്സ​ര​ത്തി​ൽ പു​രു​ഷ വി​ഭാ​ഗ​ത്തി​ൽ ഹം​ഗ​റി​യു​ടെ റ​​സോ​വി​സ്കി ക്രി​സ്റ്റ​ഫും, വ​നി​ത​ക​ളി​ൽ നെ​ത​ർ​ല​ൻ​ഡി​ന്റെ ഷാ​രോ​ൺ വാ​ൻ റു​വെ​ൻ​ഡ​ലും ഒ​ന്നാ​​മ​തെ​ത്തി. 2016 റി​യോ ഒ​ളി​മ്പി​ക്സി​ൽ സ്വ​ർ​ണ​വും, ടോ​ക്യോ ഒ​ളി​മ്പി​ക്സി​ൽ വെ​ള്ളി​യും നേ​ടി​യ താ​ര​മാ​ണ് ഷാ​രോ​ൺ.

    തി​ര​യി​ള​ക്ക​മി​ല്ലാ​ത്ത ​ഓ​ൾ​ഡ് ദോ​ഹ പോ​ർ​ട്ടി​ലെ ത​ണു​ത്ത ക​ട​ലി​നെ സ​ജീ​വ​മാ​ക്കു​ന്ന​താ​യി​രു​ന്നു ക​ഴി​ഞ്ഞ ദി​വ​സ​ങ്ങ​ളി​ൽ ന​ട​ന്ന മാ​ര​ത്ത​ൺ നീ​ന്ത​ൽ മ​ത്സ​ര​ങ്ങ​ൾ. ഒ​രു മ​ണി​ക്കൂ​ർ 48 മി​നി​റ്റും 21 സെ​ക്ക​ൻ​ഡും കൊ​ണ്ടാ​യി​രു​ന്നു ഹം​​ഗേ​റി​യ​ൻ നീ​ന്ത​ൽ താ​രം ക്രി​സ്റ്റോ​ഫ് 10 കി.​മീ​റ്റ​ർ പൂ​ർ​ത്തി​യാ​ക്കി സ്വ​ർ​ണ​ത്തി​ൽ ഫി​നി​ഷ് ചെ​യ്ത​ത്.

അന്വേഷണം വാർത്തകൾ വാട്ട്സപ്പിൽ ലഭിക്കാൻ ഇവിടെ ക്ലിക്ക് ചെയ്യൂ