അന്വേഷണം വാർത്തകൾ ലഭിക്കാന് വാട്സാപ്പ് ചാനലില് ചേരൂ.കണ്ണൂര് മുന് എഡിഎം നവീന് ബാബുവിന്റെ മരണത്തില് തുടരന്വേഷണം ആവശ്യപ്പെട്ട് ഹര്ജി നൽകി ഭാര്യ മഞ്ജുഷ. കണ്ണൂര് ഒന്നാം ക്ലാസ് മജിസ്ട്രേറ്റ് കോടതിയിലാണ് മഞ്ജുഷ ഹര്ജി സമര്പ്പിച്ചത്. പ്രതിക്ക് രക്ഷപ്പെടാന് പഴുതുകളുള്ള കുറ്റപത്രമാണ് കോടതിയില് സമര്പ്പിച്ചതെന്നും നവീന് ബാബുവിന്റെ മരണത്തില് കൂടുതല് അന്വേഷണം വേണമെന്നും ഹര്ജിയില് പറയുന്നു.
കുറ്റം തെളിയിക്കാന് ആവശ്യമായ രേഖകള് മറച്ചുവെച്ചു എന്നും. കൂടാതെ കുറ്റപത്രത്തിലെ പതിമൂന്ന് പിഴവുകള് ഹര്ജിയില് ചൂണ്ടിക്കാണിക്കുന്നുണ്ട്. പ്രശാന്തനില് നിന്ന് നവീന് ബാബു കൈക്കൂലി വാങ്ങിയെന്ന് പ്രചരിപ്പിച്ചതായി കുറ്റപത്രത്തില് പറയുന്നു. ഇക്കാര്യം തെറ്റെന്ന് ലാന്ഡ് റവന്യൂ കമ്മീഷണറുടെ അന്വേഷണത്തില് തെളിഞ്ഞു. എന്നാല് ഇക്കാര്യത്തെപ്പറ്റി എസ്ഐടി പ്രത്യേക അന്വേഷണം നടത്തിയില്ല. പെട്രോള് പമ്പിന് എന്ഒസി നല്കാന് നവീന് ബാബു കാലതാമസം വരുത്തിയിട്ടില്ല. നവീന് ബാബു കുറ്റസമ്മതം നടത്തിയെന്ന് ജില്ലാ കളക്ടര് പറഞ്ഞിട്ടില്ല. ജില്ലാ കളക്ടറുടെ ആദ്യ പ്രതികരണത്തെക്കുറിച്ച് എസ്ഐടി അന്വേഷിച്ചില്ല എന്നും ഹര്ജിയില് പറയുന്നു.
നവീന് ബാബു കൈക്കൂലി വാങ്ങിയെന്ന് മുഖ്യമന്ത്രിക്ക് പ്രശാന്തന് നല്കിയ പരാതിയിലില്ല. മുഖ്യമന്ത്രിക്ക് നല്കിയ പരാതിയെപ്പറ്റി പ്രൊസിക്യൂഷന് മറച്ചുപിടിച്ചുവെന്നും. സമ്പൂര്ണ്ണ സിസിടിവി ദൃശ്യങ്ങള് ഹാജരാക്കാന് എസ്ഐടിക്ക് കഴിഞ്ഞില്ല.കേസില് പ്രതിഭാഗത്തെ സഹായിക്കാനാണ് വിജിലന്സ് വകുപ്പ് ഇടപെട്ടതെന്നും ഹര്ജിയില് വ്യക്തമാക്കുന്നു.
STORY HIGHLIGHT: majusha filed petition for naveen babu death case
