അന്വേഷണം വാർത്തകൾ ലഭിക്കാന് വാട്സാപ്പ് ചാനലില് ചേരൂ.കര്ണാടകയിലടക്കം വോട്ടര്പട്ടികയില് വന്തോതില് ക്രമക്കേട് നടന്നെന്ന ആരോപണത്തിന് പിന്നാലെ രാഹുല്ഗാന്ധിക്ക് തിരഞ്ഞെടുപ്പ് കമ്മീഷന്റെ കത്ത്. കര്ണാടകയിലെ മുഖ്യ തിരഞ്ഞെടുപ്പ് ഓഫീസറാണ് രാഹുല്ഗാന്ധിക്ക് കത്തയച്ചത്. വോട്ടര്പട്ടികയില്നിന്ന് ഒഴിവാക്കപ്പെട്ടവരുടെ പേരുവിവരങ്ങള്. വോട്ടര്പട്ടികയില് ഉള്പ്പെട്ട അനര്ഹരായവരുടെ വിവരങ്ങള് തുടങ്ങിയവയെല്ലാം സത്യവാങ്മൂലത്തിനൊപ്പം സമര്പ്പിക്കാനാണ് കമ്മീഷൻ നൽകിയിരിക്കുന്ന നിർദ്ദേശം.
വിഷയത്തില് ആവശ്യമായ തുടര്നടപടികള് സ്വീകരിക്കാനാണ് ഈ നടപടി. ‘ഞാന് ഒരു രാഷ്ട്രീയക്കാരനാണ്. ഞാന് ജനങ്ങളോട് എന്താണ് പറയുന്നത് അത് എന്റെ വാക്കാണ്. എല്ലാവരോടും പരസ്യമായിട്ടാണ് ഞാന് അത് പറയുന്നത്. അത് ഒരു സത്യപ്രതിജ്ഞയായി എടുക്കുക. ഇതെല്ലാം തിരഞ്ഞെടുപ്പ് കമ്മീഷന്റെ ഡേറ്റയാണ്. ആ ഡേറ്റയാണ് ഞങ്ങള് പ്രദര്ശിപ്പിച്ചതും. ഇത് ഞങ്ങളുടെ ഡേറ്റയല്ല. രസകരമെന്ന് പറയട്ടെ, അവര് ഇതിലെ വിവരങ്ങളൊന്നും നിഷേധിച്ചിട്ടില്ല. രാഹുല്ഗാന്ധി സംസാരിച്ച വോട്ടര്പട്ടികയിലെ വിവരങ്ങള് തെറ്റാണെന്നും പറഞ്ഞിട്ടില്ല. എന്തുകൊണ്ടാതിരഞ്ഞെടുപ്പ് കമ്മീഷന് അത് തെറ്റാണെന്ന് പറയാത്തത്. കാരണം അവര്ക്ക് സത്യം അറിയാം. രാജ്യത്താകെ ഇങ്ങനെചെയ്തിട്ടുണ്ടെന്നും അവര്ക്കറിയാം.’ രാഹുൽ ഗാന്ധി പ്രതികരിച്ചു.
കര്ണാടകയിലെ ബെംഗളൂരു സെന്ട്രല് ലോക്സഭ മണ്ഡലത്തില് ക്രമക്കേട് നടന്നരീതിയും ഇതിന്റെ വിശദാംശങ്ങളും പത്രസമ്മേളനത്തിലൂടെ രാഹുല്ഗാന്ധി വിശദീകരിച്ചിരുന്നു. തിരഞ്ഞെടുപ്പ് കമ്മീഷനും ബിജെപിയും ചേര്ന്ന് ഒത്തുകളിച്ചെന്നും തിരഞ്ഞെടുപ്പില് വ്യാപകമായ ക്രമക്കേട് നടന്നിട്ടുണ്ടെന്നുമായിരുന്നു അദ്ദേഹം ഉന്നയിച്ചിരുന്ന ആരോപണം.
STORY HIGHLIGHT: Rahul Gandhi to Election Commission
