അന്വേഷണം വാർത്തകൾ ലഭിക്കാന് വാട്സാപ്പ് ചാനലില് ചേരൂ.രാജ്യത്ത് പെട്രോൾ, ഡീസൽ പമ്പുകളിലൂടെ ഇന്ധന വില്പന നടത്താൻ അദാനി ഗ്രൂപ്പിന് അവസരമൊരുങ്ങുന്നു. ഫ്യുവൽ റീടെയിലിങ് വ്യവസ്ഥകൾ കൂടുതൽ ഉദാരമാക്കാൻ സർക്കാർ ഒരുങ്ങുകയാണ്. അദാനി-ടോട്ടൽ എനർജീസ് സഹകരണത്തിലൂടെയായിരിക്കും ബിസിനസ്.ഇന്ത്യയിലെ മുൻനിര വ്യവസായ ഗ്രൂപ്പാണ് അദാനി. തുറമുഖങ്ങൾ, വിമാനത്താവളങ്ങൾ, പവർ ജനറേഷൻ, ട്രാൻസ്മിഷൻ, ഗ്രീൻ എനർജി തുടങ്ങിയ മേഖലകളിലെല്ലാം കമ്പനിക്ക് ബിസിനസുണ്ട്. ഫ്രാൻസിലെ ഭീമൻ എനർജി കമ്പനിയായ ടോട്ടൽ എനർജീസുമായി അദാനി പവറിന് ബിസിനസ് പങ്കാളിത്തമുണ്ട്. ടോട്ടൽ എനർജീസുമായി സഹകരിച്ച് ഇന്ത്യൻ വിപണിയിൽ പെട്രോൾ-ഡീസൽ വില്പന നടത്താനുള്ള അവസരമാണ് അദാനിക്ക് ലഭിക്കുക.
2019 വർഷത്തിലെ മാർഗനിർദ്ദേശങ്ങൾ പരിഷ്ക്കരിക്കാൻ കേന്ദ്ര പെട്രോളിയം മന്ത്രാലയം നാലംഗ വിദഗ്ധ സമിതിയെ നിയോഗിച്ചിട്ടുണ്ട്. നിലവിലെ നയങ്ങൾ ഊർജ്ജ സുരക്ഷ, കാർബൺ ബഹിർഗമനത്തിലെ കുറവ്, ആൾട്ടർനേറ്റീവ് ഫ്യുവൽ പ്രമോഷൻ എന്നിയെ എങ്ങനെ ബാധിക്കുമെന്ന് ഈ സമിതി പരിശോധിക്കും.
2019ൽ 250 കോടിയുടെ ആസ്തിയുള്ള ഏതൊരു സ്ഥാപനത്തിനും പെട്രോൾ-ഡീസൽ റീടെയിൽ ബിസിനസ് റീടെയിലായോ, ബൾക്കായോ വില്പന നടത്താനുള്ള ലൈസൻസ് അനുവദിക്കാൻ തീരുമാനിച്ചു. റീടെയിലായും, ബൾക്കായും രണ്ട് വിധത്തിലും ലൈസൻസ് ലഭിക്കണമെങ്കിൽ കുറഞ്ഞത് 500 കോടിയുടെ ആസ്തിയാണ് വേണ്ടത്.
റീടെയിൽ ലൈസൻസുള്ളവർ നിർബന്ധമായും 100 ഒട്ലെറ്റുകൾ 5 വർഷത്തിനകം തുടങ്ങണം. ഇതിൽ 5 എണ്ണം ഗ്രാമപ്രദേശങ്ങളിലായിരിക്കണം എന്നിങ്ങനെ വ്യവസ്ഥകളുണ്ടായിരുന്നു. 2019ന് മുമ്പ് ഫ്യുവൽ റീടെയിൽ ലൈസൻസ് ലഭിക്കുന്ന കമ്പനികൾ 2,000 കോടി രൂപയെട നിക്ഷേപം ഊർജ്ജ മേഖലയിൽ നടത്തണമെന്നായിരുന്നു വ്യവസ്ഥ
രാജ്യത്ത് ഏറ്റവുമധികം പെട്രോൾ പമ്പുകൾ ഓപ്പറേറ്റ് ചെയ്യുന്നത് പൊതുമേഖലാ എണ്ണക്കമ്പനികളായ ഇന്ത്യൻ ഓയിൽ കോർപ്പറേഷൻ, ഭാരത് പെട്രോളിയം കോർപ്പറേഷൻ, ഹിന്ദുസ്ഥാൻ പെട്രോളിയം കോർപ്പറേഷൻ എന്നീ കമ്പനികളാണ്. ഇവയ്ക്ക് ആകെ 97,804 പമ്പുകളാണ് ഇന്ത്യയിലുള്ളത്.
സ്വകാര്യ മേഖലയിൽ റിലയൻസ് ഇൻഡസ്ട്രീസ്, നയാര എനർജി, റോയൽ ഡച്ച് ഷെൽ എന്നീ കമ്പനികളാണ് പമ്പുകൾ ഓപ്പറേറ്റ് ചെയ്യുന്നത്. റിലയൻസ്-ബി.പി 1,991 ഔട്ലെറ്റുകളും, നയാര 6,763 പമ്പുകളും, ഷെൽ 355 പെട്രോൾ പമ്പുകളും ഓപ്പറേറ്റ് ചെയ്യുന്നു.
അദാനി ഗ്രൂപ്പുമായി സഹകരണമുള്ള ടോട്ടൽ എനർജീസ് 2018 നവംബറിൽ 1,500 ഔട്ലെറ്റുകളിലൂടെ റീടെയിൽ പെട്രോൾ, ഡീസൽ വില്പന നടത്താൻ ലൈസൻസ് അപേക്ഷ നൽകിയിരുന്നു. ഓയിൽ കമ്പനിയായ Trafiguraയുടെ സബ്സിഡിയറിയായ പ്യൂമ എനർജിയുംലൈസൻസ് അപേക്ഷ നൽകി. സൗദി അറേബ്യയുടെ അരാംകോയും ഇന്ത്യൻ ഫ്യുവൽ റീടെയിൽ സെഗ്മെന്റിലേക്ക് ചുവടു വെക്കാൻ നീക്കങ്ങൾ നടത്തുന്നു.
