അന്വേഷണം വാർത്തകൾ ലഭിക്കാന് വാട്സാപ്പ് ചാനലില് ചേരൂ.കേരളത്തിലെ റിയൽ എസ്റ്റേറ്റ് മേഖലയിലെ ഏറ്റവും വലിയ സംഘടനയും കേരളത്തിലെ എല്ലാ ജില്ലകളിലെയും ശക്തമായ സാന്നിധ്യവുമായ റിയൽ എസ്റ്റേറ്റ് കൺസൾട്ടൻസ് അസോസിയേഷൻ (കെർക്ക) പ്രക്ഷോഭത്തിലേക്ക്. വിവിധ ആവശ്യങ്ങൾ ഉന്നയിച്ചാണ് പ്രക്ഷോഭത്തിലേക്ക് നിങ്ങുന്നത്.
റിയൽ എസ്റ്റേറ്റ് കൺസൾട്ടൻ്റ് മാരിൽ നിന്ന് ലൈസൻസ് തുകയായി RERA (റിയൽ എസ്റ്റേറ്റ് റെഗുലേറ്ററി അതോറിറ്റി) 25000 രൂപ പിരിക്കുന്നുണ്ട്. കൺസൾട്ടൻ്റ്മാർക്കുള്ള രജിസ്ട്രേഷൻ എന്ന രീതിയിലാണ് ഈ തുക വാങ്ങുന്നത്. എന്നാൽ നാളിതുവരെ റിയൽ എസ്റ്റേറ്റ് കൺസൾട്ടൻ്റ്മാർക്ക് വേണ്ട യാതൊരുവിധ പരിരക്ഷയോ നിയമസഹായമോ മറ്റേതെങ്കിലും രീതിയിലുള്ള സഹായങ്ങളൊ നൽകിയിട്ടില്ല. രജിസ്ട്രേഷൻ്റെ ഉദ്ദേശം തന്നെ മനസ്സിലാകാത്ത രീതിയിലുള്ള ഈ പണപ്പിരിവ് ഉടൻതന്നെ നിർത്തലാക്കുക. കേരളത്തിലെ എല്ലാ റിയൽ എസ്റ്റേറ്റ് കൺസൾട്ട്മാർക്കും സൗജന്യമായി ലൈസൻസ് അനുവദിക്കാനുള്ള പ്രവർത്തനം RERA യുടെ ഭാഗത്തുനിന്ന് ഉണ്ടാകണമെന്ന് കെർക്ക ആവശ്യപ്പെടുന്നു.
രജിസ്ട്രാർ ഓഫീസുകൾ കേന്ദ്രീകരിച്ച് നടക്കുന്ന കൈക്കൂലിയും അഴിമതിയും നമുക്കെല്ലാം അറിവുള്ളതാണ്. പാവപെട്ട ജനങ്ങളെ പിഴിഞ്ഞു ജീവിക്കുന്ന കൈക്കൂലിക്കാരായ രജിസ്റ്ററാർ ഓഫീസിലെ ഉദരാഗസ്ഥന്മാരെ സർക്കാർ ജോലിയിൽ നിന്ന് പിരിച്ചുവിടണം എന്ന് ആവശ്യപ്പെട്ടുകൊണ്ട് കേരളത്തിലെ എല്ലാ സബ് രജിസ്ട്രാർ ഓഫീസുകളിലേക്കും പ്രകടനവും ധാരണയും നടത്താൻ കെർക്ക സംസ്ഥാന കമ്മറ്റി തീരുമാനിച്ചു.
മുകളിൽ പ്രതിപാദിച്ചിട്ടുള്ള ഈ അനീതിക്കെതിരെ കേരളത്തിലെ മുഴുവൻ ജനതയുടെയും ശ്രദ്ധ ക്ഷണിക്കേണ്ടതായുണ്ട്. അതിന്റെ ഭാഗമായി 13.08.2025 ഉച്ചയ്ക്ക് 12 മണിക്ക് തമ്പാനൂർ മാഞ്ഞാലികുളം റോഡിലുള്ള ബോബൻ റസിഡൻസിയിൽ വച്ച് നടത്തുന്ന പത്രസമ്മേളനത്തിൽ താങ്കളുടെ സ്ഥാപനത്തിന്റെ മഹനീയമായ സാന്നിധ്യം അഭ്യർത്ഥിക്കുന്നു. തുടർന്നുള്ള ഉച്ചഭക്ഷണ സൽക്കാരത്തിൽ പങ്കെടുക്കണമെന്നും വിനീതമായി ഏറെ ബഹുമാനത്തോടെ അഭ്യർത്ഥിക്കുന്നു.
content highlight: KERKA
