അന്വേഷണം വാർത്തകൾ ലഭിക്കാന് വാട്സാപ്പ് ചാനലില് ചേരൂ.കോട്ടയം: വാഴൂര് സോമനെന്ന പേര് കേള്ക്കുമ്പോഴെ എല്ലാവരുടെയും മനസിലേക്ക് ആദ്യമെത്തുന്നത് ഇടുക്കിയുടെ മലമടക്കുകളെ തൊട്ട് തലോടി പായുന്ന മഹീന്ദ്ര മേജര് 4*4 ജീപ്പാണ്. ഇന്നോവ ക്രിസ്റ്റയും ഹൈക്രോസുമൊക്കെ എംഎല്എമാരുടെ വാഹനങ്ങളായി മാറുന്ന കാലത്താണ് സാധാരണ ജീവിതം നയിക്കുന്ന തോട്ടം തൊഴിലാളികളുടെയും മണ്ണിനെ സ്നേഹിക്കുന്ന കര്ഷകരുടെയും ജനപ്രതിനിധിയായി ജീപ്പില് സോമന് നിയമസഭയിലേക്ക് എത്തുന്നത്.
ജീപ്പുമായുള്ള ഇദ്ദേഹത്തിന്റെ ആത്മബന്ധത്തിന് പതിറ്റാണ്ടുകളുടെ പഴക്കമുണ്ട്. പീരുമേട് എംഎല്എ ആയിരുന്ന സി.എ. കുര്യന്റെ സഹായത്തോടെ 1978 ലാണ് വാഴൂര് സോമന് ഒരു ജീപ്പ് സ്വന്തമാക്കുന്നത്. ഹൈറേഞ്ചില് പാര്ട്ടിയെ കെട്ടിപടുക്കാന് തലങ്ങും വിലങ്ങും അന്നവന് സോമനോടൊപ്പം പാഞ്ഞു. എത്രയെത്ര എത്രയെത്ര മീറ്റിംഗുകള്, പ്രതിഷേധ സംഗമങ്ങള്, പോരാട്ടങ്ങള്…അങ്ങനെ വാഴൂര് സോമനെന്ന് രാഷ്ട്രീയ നേതാവിന്റെ വളര്ച്ചയെ ആ ജീപ്പും നോക്കിനിന്നു. എന്നാല് 1991ല് രാജീവ് ഗാന്ധിയുടെ മരണത്തെ തുടര്ന്ന പൊട്ടിപ്പുറപ്പെട്ട പ്രതിഷേധങ്ങളുടെ ഭാഗമായി ജീപ്പ് പ്രവര്ത്തകര് കത്തിച്ചു. തുടര്ന്ന് 2006ല് ജില്ലാ പഞ്ചായത്ത് ക്ഷേമകാര്യ സ്റ്റാന്റിങ്ങ് കമ്മിറ്റി ചെയര്മാന് ആയി സ്ഥാനമേറ്റതിനെ തുടര്ന്നാണ് ഇപ്പോള് കൈവശമുള്ള മേജര് വാഴൂര് സോമന് വാങ്ങുന്നത്.
ജില്ലാ പഞ്ചായത്തംഗമായപ്പോള് സോമനും ജീപ്പും സ്വപ്നത്തില് പോലും വിചാരിച്ചിരുന്നില്ല ഇനിയുള്ള യാത്ര നിയമസഭയിലേക്കാകുമെന്ന്. നിയമസഭയുടെ തിരുമുറ്റത്ത് ആഡംബരകാറുകള് തലങ്ങും വിലങ്ങും പായുന്ന കാലത്ത് KL06 D 0538 എന്ന മേജര് ഒരപ്പൂര്വ്വ കാഴ്ച്ചയായിരുന്നു. ജീപ്പില് പാര്ട്ടി പരിപാടികള്ക്കായി സംസ്ഥാനത്ത് തലങ്ങും വിലങ്ങും പായുന്ന വാഴൂര് സോമനോട് അന്തരിച്ച സിപിഐ സംസ്ഥാന സെക്രട്ടറി കാനം രാജേന്ദ്രന് ഇങ്ങനെ പറഞ്ഞു; സഖാവേ ഒരു കാറ് വാങ്ങാനുള്ള അനുമതി പാര്ട്ടിയില് നിന്നും തരാം. അതിനുവേണ്ട വായ്പയും തരപ്പെടുത്താം. മുണ്ടക്കയത്തിനപ്പുറത്തേക്ക് ഇനി ഈ ജീപ്പുമായി വന്നേക്കരുത്. സംസ്ഥാന സെക്രട്ടറിയുടെ നിര്ദ്ദേശത്തെ മൗനത്തോടെ സ്വീകരിച്ച്് കാറു വാങ്ങിയെങ്കിലും പിന്നീടങ്ങോട്ടുള്ള യാത്രകള്ക്കു കൂട്ടായതും 0538 മേജര് തന്നെയായിരുന്നു. ജീപ്പ് കാറിനേക്കാള് ഇന്ധനചെലവ് കൂടുതലല്ലെ എന്നായിരുന്നു എംഎല്എയായ സോമന് നേരിട്ട പ്രധാന ചോദ്യം. ഇന്ധന വില വര്ധനവിന്റെ പേരില് ഈ ജീപ്പ് ഒഴിവാക്കാന് സാധിക്കില്ലെന്നായിരുന്നു അവര്ക്കെല്ലാം നല്കിയിരുന്ന മറുപടി. അത്രമാത്രം ജീപ്പിനെയും ജീപ്പ്് യാത്രയെയും വാഴൂര് സോമന് ഇഷ്ടപ്പെട്ടിരുന്നു. സിപിഐയിലെ എംഎല്എമാരെല്ലാം ഇന്ന് നടക്കുന്നത് ലക്ഷങ്ങള് വിലയുള്ള കാറുകളില്ലാണ്. കുറഞ്ഞത് 10 ലക്ഷമെങ്കിലും വില വരുന്നവയാണ് അതിലേറെയും. അവരുടെയും ആഡംബരത്തിന്റെ തുലാസുകളില് അധികാരത്തെ വെച്ചളക്കുന്നവര്ക്കും മുന്പിലും സോമന് മേജറുമായി തന്നെ നിലകൊണ്ടു. മരണമെന്ന സത്യം പീരുമേട് എംഎല്എ വാഴൂര് സോമനെ കവര്ന്നെടുക്കുമ്പോള് അനാഥനാകുന്നത് 0538 മേജര് ജീപ്പുകൂടിയാണ്.
content highlight: Vazhoor Soman MLA and his Jeep
