അന്വേഷണം വാർത്തകൾ ലഭിക്കാന് വാട്സാപ്പ് ചാനലില് ചേരൂ.വോട്ടര് പട്ടിക വിവാദം സംബന്ധിച്ച മാധ്യമങ്ങളുടെ ചോദ്യങ്ങളോട് പ്രതികരിക്കാതെ ഒഴിഞ്ഞുമാറി നടനും കേന്ദ്രമന്ത്രിയുമായ സുരേഷ് ഗോപി. താന് ആരെയും വിമര്ശിക്കാനോ ദ്രോഹിക്കാനോ ഇല്ലെന്നും മാധ്യമങ്ങൾ തന്റെ വ്യക്തിജീവിതത്തിലും കുടുംബപരമായ കാര്യങ്ങളില്പോലും ഇടപെടുകയാണെന്നും സുരേഷ് ഗോപി കുറ്റപ്പെടുത്തി.
തൃശ്ശൂരിലെ വോട്ടർപട്ടിക ക്രമക്കേട്, വോട്ടര്പട്ടിക സംബന്ധിച്ച് ബി. ഗോപാലകൃഷ്ണൻ നടത്തിയ പ്രസ്താവനയുമായി ബന്ധപ്പെട്ട ചോദ്യങ്ങളോടായിരുന്നു സുരേഷ് ഗോപിയുടെ പ്രതികരണം. എന്റെ ജീവിതത്തിലാണ് നിങ്ങള് കയറി കൊത്തിയത്. എന്നില് ഒരു വ്യക്തിയുണ്ട്. വ്യക്തിയുടെ ഒരുപാട് കാര്യങ്ങളുണ്ട്. കുടുംബസ്ഥന്, ഭര്ത്താവ്, അച്ഛന്, മകന് അങ്ങനെ പല ബന്ധങ്ങള് എനിക്കുണ്ട്. അതിനെ എല്ലാം ഹനിക്കുന്ന തരത്തിലാണ് നിങ്ങൾ ഇടപെട്ടത്. ഞാന് എന്ത് തെറ്റ് ചെയ്തിട്ടാണ്. എവിടം മുതല് നിങ്ങള് ഇത് തുടങ്ങി. കിരീടം, കലാമണ്ഡലം ഗോപിയാശാന്, ആര്.എല്.വി രാമക്യഷ്ണൻ… എവിടെയൊക്കെ നിങ്ങള് കയറി. അതിന് ഞാന് എന്ത് പാപം ചെയ്തു? സുരേഷ് ഗോപി ചോദിച്ചു.
STORY HIGHLIGHT: suresh gopi
