അന്വേഷണം വാർത്തകൾ ലഭിക്കാന് വാട്സാപ്പ് ചാനലില് ചേരൂ.കാസര്ഗോഡ് എല്.ബി.എസ് എഞ്ചിനീയറിംഗ് കോളേജ് പ്രിന്സിപ്പള് ഇപ്പോള് പ്രിന്സിപ്പാള് ആയിട്ടിരിക്കുന്നത് ഏത് അക്കൗണ്ടിലാണെന്ന് ചോദിച്ചാല് ജീവനക്കാര്ക്കറിയില്ല. എന്നാല്, എല്.ബി.എസ് ഡയറക്ടര്ക്ക് പ്രിയമുള്ള ആളായതു കൊണ്ട് പെന്ഷന് പറ്റിയാലും സീറ്റു വിട്ടു കൊടുക്കേണ്ടതില്ല എന്നാണ് വെയ്പ്പ്. ഡയറക്ടര് വേണ്ടപ്പെട്ട ആളാണ് പ്രിന്സിപ്പാള്. പ്രിന്സിപ്പാളിനാണെങ്കില് ഡയറക്ടറെ പഠിക്കുമ്പോഴേ അറിയാമെന്നതാണ് യോഗ്യതയും. അതുകൊണ്ടു തന്നെ പരസ്പര ധാരണയിലാണ് കാസര്ഗോഡ് എല്.ബി.എസ് പ്രിന്സിപ്പാളിന്റെ ഇപ്പോഴത്തെ നിലനില്പ്പ്. പ്രിന്സിപ്പാളിനെതിരേ അധ്യാപകരും വിദ്യാര്ത്ഥികളും പ്രതിഷേധവുമായി വീണ്ടും രംഗത്ത് വരാനുള്ള നീക്കമുണ്ടെന്നാണ് സൂചന.
എന്നാല്, പരസ്യമായി ഡയറക്ടറുടെ തീരുമാനത്തിനു വിരുദ്ധമായി പറയാനോ, പ്രിന്സിപ്പാളിന് ദോഷം ചെയ്യുന്ന കാര്യമോ ചെയ്യാന് ജീവനക്കാര്ക്ക് ഭയമാണ്. ചെയ്യുന്നത് അനീതിയും സര്ക്കാരിന് നഷ്ടവും ഉണ്ടാക്കുന്ന കാര്യമാണെങ്കിലും അതിനെ എതിര്ത്താല്, പ്രതികാരമായി കിട്ടാന് പോകുന്ന ശിക്ഷണ നടപടികളെ ഓര്ത്താണ് ജീവനക്കാരുടെ ഭയം. അതുകൊണ്ടു തന്നെ ഈ വര്ഷം ആദ്യം സര്വ്വീസില് നിന്നും വിരമിച്ചിട്ടും അക്കാദമിക് ഇയര് കഴിയുന്നതു വരെ (സെമസ്റ്റര് തീരുന്നതു വരെ) സൂപ്പര് ആനിമേഷന് എന്ന കാലാവധി നല്കി ഉന്നത വിദ്യാഭ്യാസ വകുപ്പ് ഇദ്ദേഹത്തെ പ്രിന്സിപ്പല് കസേരയില് ഇരുത്തിയതിനെ ആരും എതിര്ക്കാത്തത്.
എന്നാല്, എല്.ബി.എസ് വകുപ്പ് ഇദ്ദേഹത്തിന് അനുകൂലമായ രീതിയില് ഉത്തവും ഇറക്കി സഹായിക്കുകയായിരുന്നു. ഇദ്ദേഹത്തിന്റെ സൂപ്പര് ആനിമേഷന് കാലാവധി പൂര്ത്തിയാക്കുന്നതിനു മുമ്പ് ഉന്നത വിദ്യാഭ്യാസ വകുപ്പില് നിന്നും പുതിയൊരു ഉത്തരവിറങ്ങുകയായിരുന്നു. ഈ മേഖലയിലെ എല്ലാ ജീവനക്കാരുടെയും പെന്ഷന് പ്രായം 58 ല് നിന്നും 60 ആക്കുന്നു എന്നായിരുന്നു ഈ ഉത്തരവ്. ഈ ആനുകൂല്യം, മുന്കാല പ്രാബല്യത്തിലോ, നിലവില് പെന്ഷന് പറ്റിയിട്ടും, പ്രത്യേക തസ്തികയില് തുടരുന്നവര്ക്കോ അര്ഹതയുള്ളതല്ല. എന്നാല്, സൂപ്പര് ആനിമേഷന് കാലാവധിയില് ഇരിക്കുന്ന കാസര്ഗോഡ് എല്.ബി.എസ് എഞ്ചിനീയറിംഗ് കോളേജ് പ്രിന്സിപ്പാള് ഈ ഉത്തരവിന്റെ മറവില് 60 വയസ്സുവരെ പ്രിന്സിപ്പാള് കസേരയില് ഇരിക്കുകയാണെന്ന് എല്.ബി.എസിലെ ജീവനക്കാര് ഉറപ്പിച്ചു പറയുന്നു.
സാമ്പത്തിക പ്രതിസന്ധി രൂക്ഷമായിരിക്കുന്ന എല്.ബി.എസ്. എഞ്ചിനീയറിംഗ് കോളേജില്, ലക്ച്ചറന്മാര്ക്കോ ജീവനക്കാര്ക്കോ ഇന്ക്രിമെന്റു പോലും കൃത്യമായി നല്കാന് സാധിക്കാത്ത സ്ഥിതിയുണ്ട്. ഇതിന്റെ പേരില് ജീവനക്കാരും അധ്യാപകരും സമരവും നടത്തിയിട്ടുണ്ട്. ഈ പശ്ചാത്തലത്തില് പെന്ഷന് പ്രായം ഉയര്ത്തിക്കൊണ്ടുള്ള ഉത്തരവിറങ്ങും മുമ്പ് പെന്ഷനാവുകയും, പെന്ഷന് പറ്റിയ അന്നു മുതലുള്ള ശമ്പളം നല്കി പ്രിന്സിപ്പാളിനെ വീണ്ടും സമയം നീട്ടി നല്കുന്നത്, കൂടുതല് സാമ്പത്തിക ബാധ്യത വരുത്തി വെയ്ക്കുമെന്നാണ് ജീവനക്കാരുടെ ആക്ഷേപം. പുതിയ പ്രിന്സിപ്പാള് തസ്തികയില് സീനിയോരിട്ടിയുള്ളവര് നിരവധി പേര് ഉള്ളപ്പോള്, ഉത്തരവിന്റെ മറവില് പ്രിന്സിപ്പള് കസേരയില് തുടരാനുള്ള നീക്കമാണ് നടക്കുന്നത്. പ്രിന്സിപ്പാളിന് 2.15 ലക്ഷം രൂപയണ് ശമ്പളമായി നല്കുന്നത്. നഷ്ടത്തില് പോകുന്ന ഈ സ്ഥാപനം മുഖ്യമന്ത്രി ചെയര്മാനും, ഉന്നത വിദ്യാഭ്യാസ മന്ത്രി വൈസ് ചെയര്മാനുമായ ബോര്ഡിന്റെ കീഴിലാണ് പ്രവര്ത്തിക്കുന്നത്.
നിലവില് 75,000 രൂപയ്ക്കു മുകളില് ശമ്പളം വാങ്ങുന്ന ലക്ച്ചര്മാര് ഉദ്യോഗസ്ഥ തലത്തിലെ എ.ഒ വരെയുള്ളവര്ക്ക് വാര്ഷിക ഇന്ക്രിമെന്റ് നല്കുന്നില്ല. ഇതിനു കാരണം, സാമ്പത്തിക പ്രതിസന്ധി എന്നാണ് പറയുന്നത്. ഈ സാഹചര്യത്തില് പെന്ഷനായ പ്രിന്സിപ്പാളിനെ വീണ്ടും നിയമിച്ചതു വഴി ഉണ്ടായ നഷ്ടം ആര് സഹിക്കും. ജീവനക്കാര് ഇതെല്ലാം ആരോടചു പറയുമെന്ന ഗതികേടിലാണ് ജോലി ചെയ്യുന്നത്. അര്ഹതയുള്ള ആനുകൂല്യങ്ങള് നല്കുന്നതിന്, സാമ്പത്തിക പ്രതിസന്ധിയെന്നു പറയുകയും, അര്ഹതിയില്ലാത്ത തസ്തികയില് ഇരിക്കുന്നവര്ക്ക് ശമ്പളം കൊടുക്കാന് ലക്ഷങ്ങള് ചെലവിടുകയും ചെയ്യുന്നതിനെയാണ് ജീവനക്കാര് എതിര്ക്കുന്നത്. എന്നാല്, മേലധികാരികളും സര്ക്കാരും വകുപ്പും ഇതൊന്നും കാണുന്നേയില്ല. അഥവാ കണ്ടാലും കാണാത്ത പോലെയിരിക്കുന്നു എന്നാണ് എല്.ബി.എസിലെ സര്ക്കാര് അനുകൂല സംഘടനയിലുള്ളവര് പോലും പറയുന്നത്.
CONTENT HIGH LIGHTS; Despite receiving a pension, the principal of LBS Engineering College is reluctant to go: The director is too lazy to tell him; Even if he has a complaint, the employees are afraid to speak up; The government is losing lakhs?
