അന്വേഷണം വാർത്തകൾ ലഭിക്കാന് വാട്സാപ്പ് ചാനലില് ചേരൂ.കൊറ്റക്കൽ: വൻ കഞ്ചാവ് കച്ചവട ശൃംഖലയിൽ പങ്കുണ്ടെന്ന് സംശയിക്കുന്ന സ്കൂൾ ബസ് ഡ്രൈവർ 16.63 കിലോ കഞ്ചാവും 20 ലക്ഷത്തിലധികം രൂപയും സഹിതം എക്സൈസ് വകുപ്പിന്റെ പിടിയിലായി. കൊറ്റക്കൽ ഔഷധി റോഡിനടുത്ത് വെളക്കാട് വീട്ടിൽ വി. കെ. ഷഫീർ (34) ആണ് അറസ്റ്റിലായത്.
ഞായർ വൈകുന്നേരം മൂന്ന് മണിയോടെയാണ് ചെങ്കുവെട്ടി–കൊറ്റക്കൽ റോഡിൽ എക്സൈസ് കമ്മീഷണറുടെ സ്ക്വാഡും കുറ്റിപ്പുറം എക്സൈസ് റേഞ്ചും എക്സൈസ് ഇന്റലിജൻസ് ബ്യൂറോയും സംയുക്തമായി പരിശോധന നടത്തിയത്. പരിശോധനയിൽ ഷഫീർ സഞ്ചരിച്ച മോട്ടോർസൈക്കിളിൽ 5.100 കിലോ കഞ്ചാവും ₹6,310 രൂപയും കണ്ടെത്തി. ഓടി രക്ഷപ്പെടാൻ ശ്രമിച്ച ഇയാളെ ബലപ്രയോഗത്തിലൂടെ തടഞ്ഞു പിടികൂടുകയായിരുന്നു.
തുടർന്ന് പ്രതിയുടെ വീട്ടിൽ നടത്തിയ വിശദ പരിശോധനയിൽ വൻതോതിൽ കഞ്ചാവും പണവും കണ്ടെത്തി. 11.503 കിലോ കഞ്ചാവ്, ₹20,88,500 രൂപ എന്നിവയാണ് വീട്ടിൽ നിന്ന് പിടിച്ചെടുത്തത്.
പരിശോധനക്ക് നേതൃത്വം നൽകിയത് കുറ്റിപ്പുറം എക്സൈസ് ഇൻസ്പെക്ടർ ടി. ഷിജുമോനും സിവിൽ എക്സൈസ് ഓഫീസർമാരായ ഇ. അഖിൽദാസ്, വി. സച്ചിൻദാസ്, ഇ. പ്രവീൺ, പ്രിവന്റീവ് ഓഫീസർ പി. പി. പ്രമോദ്, പി. ലെനിൻ, സിവിൽ എക്സൈസ് ഓഫീസർ അലക്സ്, അസിസ്റ്റന്റ് എക്സൈസ് ഇൻസ്പെക്ടർ (ഗ്രേഡ്) കെ. ദിവ്യ, ഡ്രൈവർ കെ. ഗണേഷ് എന്നിവർ.
പ്രതിക്കെതിരെ ബന്ധപ്പെട്ട വകുപ്പുതല നടപടികൾ ആരംഭിച്ചിട്ടുണ്ട്.
