അന്വേഷണം വാർത്തകൾ ലഭിക്കാന് വാട്സാപ്പ് ചാനലില് ചേരൂ.പനവല്ലി: പനവല്ലി-അപ്പപ്പാറ റോഡിൽ സ്കൂട്ടറിൽ സഞ്ചരിക്കുകയായിരുന്ന യുവാവിനെ ലക്ഷ്യമിട്ട് കാട്ടാന പാഞ്ഞെത്തിയ സംഭവം തലനാരിഴയ്ക്ക് രക്ഷപ്പെട്ടതോടെ വലിയ ദുരന്തം ഒഴിവായി. അരണപ്പാറ വാകേരി സ്വദേശിയും ഭിന്നശേഷിക്കാരനായ ഷിബുവാണ് ആക്രമണത്തിൽ നിന്ന് രക്ഷപ്പെട്ടത്.
രാവിലെ ജോലി ചെയ്യുന്ന റിസോർട്ടിലേക്ക് പോകുംവഴിയിലായിരുന്നു സംഭവം. അപ്രതീക്ഷിതമായി പാതയരികിലെ കാടിൽ നിന്ന് ആന പാഞ്ഞിറങ്ങുന്നത് കണ്ട ഷിബു വേഗത്തിൽ സ്കൂട്ടർ ഉപേക്ഷിച്ച് വയലിനോട് ചേർന്ന ഫെൻസിങ്ങ് ഭാഗത്തേക്ക് ഓടി മാറി. പിന്നാലെ കാട്ടാന സ്കൂട്ടർ കുത്തി മറിക്കുന്ന ദൃശ്യങ്ങൾ സമീപത്തെ സിസിടിവിയിൽ പതിഞ്ഞിട്ടുണ്ട്.
സംഭവം അറിഞ്ഞ വനപാലകരുടെ സംഘം സ്ഥലത്തെത്തി ഷിബുവിനെ മാനന്തവാടി മെഡിക്കൽ കോളജിൽ പ്രവേശിപ്പിച്ചു. പരിശോധനയിൽ പരുക്കുകൾ ഗുരുതരമല്ലെന്ന് ഉറപ്പായതിനെ തുടർന്ന് പ്രാഥമിക ശുശ്രൂഷ നൽകി അദ്ദേഹത്തെ ആശുപത്രിയിൽ നിന്ന് ഡിസ്ചാർജ് ചെയ്തു.
പ്രദേശത്ത് കാട്ടാന സാന്നിധ്യം സ്ഥിരമായി റിപ്പോർട്ട് ചെയ്യപ്പെട്ടുവരുന്ന സാഹചര്യത്തിൽ, പൊതുജനങ്ങൾ കൂടുതൽ ജാഗ്രത പാലിക്കണമെന്ന് വനവകുപ്പ് നിർദ്ദേശിച്ചു.
