അന്വേഷണം വാർത്തകൾ ലഭിക്കാന് വാട്സാപ്പ് ചാനലില് ചേരൂ.മിനിസ്ക്രീൻ പ്രേക്ഷകരുടെ ഇഷ്ട നടിയാണ് ലക്ഷ്മി പ്രമോദ്. നിരവധി സീരിയലുകളിൽ താരം അഭിനയിച്ചിട്ടുണ്ട്. ഇപ്പോൾ അഭിനയം ഇല്ലങ്കിലും താരം സോഷ്യൽ മീഡിയയിൽ സജീവമാണ്. കുറച്ചുനാളുകളായി ലക്ഷ്മി യൂട്യൂബിൽ നിന്നും സോഷ്യൽ മീഡിയയിൽ നിന്നുമെല്ലാം വിട്ടുനിൽക്കുകയായിരുന്നു. ഇപ്പോഴിതാ മാറിനിന്നതിന്റെ കാരണമാണ് പുതിയ വ്ളോഗിൽ താരം പ്രേക്ഷകരോട് പങ്കുവെയ്ക്കുന്നത്.
“കുഞ്ഞുങ്ങൾക്ക് വയ്യാതെയായി എന്ന് പറഞ്ഞാൽ പോലും നെഗറ്റീവ് പറയുന്നവർ ഉള്ളതുകൊണ്ടാണ് യൂട്യൂബ് ചാനൽ വഴി അപ്ഡേറ്റ് ചെയ്യാതിരുന്നത്. മോളുടെ ചെവിയിൽ തുടങ്ങിയതാണ് പ്രശ്നം. എന്തിനാണ് ഇത്ര ചെറുപ്പത്തിൽ മോൾക്ക് സെക്കൻഡ് സ്റ്റഡ് കുത്തിയതെന്ന് പലരും ചോദിച്ചിരുന്നു. അവളുടെ ഇഷ്ടപ്രകാരം ചെയ്തതാണ്. നമ്മളോടല്ലേ അവരുടെ ആഗ്രഹം പറയാൻ പറ്റൂ. കളിക്കുന്നതിനിടയിൽ ഡോറിൽ കമ്മൽ കുരങ്ങി ചെവിയിലെ മാംസം പുറത്തുവന്നു. പിന്നീട് അത് പഴുത്തു. തുടക്കത്തിൽ വേദനയൊന്നും മോളും ഞങ്ങളോട് പറഞ്ഞില്ല. പിന്നീട് ആശുപത്രിയിൽ കൊണ്ടുപോകേണ്ടതായി വന്നു.
അതിനുശേഷം എനിക്ക് വയറുവേദന വന്നു. കല്ലായിരുന്നു പ്രശ്നം. മൂന്ന് കല്ലുകൾ ഉണ്ടായിരുന്നു. വേദന പിടിച്ചു നിൽക്കുന്ന ആളാണ് ഞാൻ. പക്ഷേ ഇത് സഹിക്കാവുന്നതിനും അപ്പുറം ആയിരുന്നു. വേദന സഹിക്കാൻ കഴിയാതെ എന്തെങ്കിലും എടുത്തു കഴിച്ചു മരിച്ചാലോ എന്ന് വരെ ആലോചിച്ചു പോയി. പ്രസവ വേദന പോലും ഇത്രയുമില്ലായിരുന്നു. ഒരുപാട് പെയിൻ കില്ലറൊക്കെ കഴിച്ച് ഓക്കെയായി തിരിച്ചെത്തുമ്പോഴാണ് അടുത്തത് വന്നത്. ഇത്തവണ മോണയിൽ പഴുപ്പ് ആയിരുന്നു.
വീണ്ടും പെയിൻ കില്ലർ കഴിച്ചു. മോണ കീറി പല്ലെടുത്തപ്പോഴാണ് ആശ്വാസം കിട്ടിയത്. എന്റെ ആരോഗ്യം ഒരുവിധം ശരിയായപ്പോൾ മകനെ ആശുപത്രിയിൽ ആക്കേണ്ട അവസ്ഥയായി. ചെവിയിൽ നിന്ന് രക്തം ഒലിക്കുന്നത് കണ്ട് വല്ലാതെ പേടിച്ചു. ഇയർ പാനൽ കട്ടായത് കാരണമായിരുന്നു ബ്ലീഡിങ് വന്നത്. അതിന്റെ ട്രീറ്റ്മെന്റുകളുമായി മുന്നോട്ടുപോകുന്നു. ഇതെല്ലാം കാരണമാണ് വീഡിയോ എടുക്കാൻ സാധിക്കാതിരുന്നത്”, ലക്ഷ്മി പറഞ്ഞു.
