അന്വേഷണം വാർത്തകൾ ലഭിക്കാന് വാട്സാപ്പ് ചാനലില് ചേരൂ.ആയഞ്ചേരി: പഞ്ചായത്ത് 11-ാം വാർഡിലെ സ്ഥാനാർത്ഥിയായ പി. കെ. രമേശനെ തിരഞ്ഞെടുപ്പ് പര്യടനത്തിനിടെ ഒരു പ്രത്യേക കാഴ്ച കാത്തിരുന്നു. പര്യടനത്തിന്റെ ഭാഗമായി സ്ഥാനാർത്ഥി കവിയായ പവിത്രൻ തീക്കുനിയുടെ വീട്ടിലെത്തിയപ്പോൾ, പവിത്രൻ തന്റെ പുതിയ കവിതാ സമാഹാരമായ ‘നബീസ്സ’ സമ്മാനമായി നൽകി.
രാമദാസ് മണലേരി, യു.വി. ചാത്തു എന്നിവരുടെ സാന്നിധ്യത്തോടെയാണ് സ്ഥാനാർത്ഥിയുടെ പര്യടനം മുന്നേറുന്നത്. തെരഞ്ഞെടുപ്പ് ആവേശം കനത്തിരിക്കുന്ന ഈ വാർഡ് പഞ്ചായത്തിലെ ഏറ്റവും കടുത്ത മത്സരം പ്രതീക്ഷിക്കുന്ന വാർഡുകളിലൊന്നാണ് എന്നതാണ് നാട്ടുകാരുടെ വിലയിരുത്തൽ.
സാഹിത്യവും രാഷ്ട്രീയവുമെല്ലാം കൈകോർക്കുന്ന ഈ സംഭവം തെരഞ്ഞെടുപ്പ് നിറക്കാഴ്ചകളിൽ ഒരു മനോഹര നിമിഷമായി മാറി.
