അന്വേഷണം വാർത്തകൾ ലഭിക്കാന് വാട്സാപ്പ് ചാനലില് ചേരൂ.സലാല: ഫാസ് അക്കാദമിയുടെ നേതൃത്വത്തിൽ സലാലയിൽ ഇന്റർ സ്കൂൾ ഫുട്ബോൾ ടൂർണമെന്റിന് ആവേശോജ്വലമായ തുടക്കമായി. സലാലയിലെ പത്ത് സ്വകാര്യ സ്കൂളുകളും ഒരു അക്കാദമിയും പങ്കെടുക്കുന്ന മത്സരത്തിന് തുടക്കം കുറിച്ചത് പാക് സ്കൂൾ മൈതാനിയിൽ നടന്ന നിറപ്പകിട്ടുള്ള ചടങ്ങിലൂടെയായിരുന്നു. ദോഫാർ യുവജന-കായിക വകുപ്പ് അസിസ്റ്റന്റ് ഡയറക്ടർ ഫൈസൽ അൽ നഹ്ദി ടൂർണമെന്റ് ഔപചാരികമായി ഉദ്ഘാടനം ചെയ്തു.
ടീമുകൾക്ക് പിന്തുണ നൽകി രംഗത്തെത്തിയ അഹ്മദ് കൊവാർ, ഡോ. കെ. സനാതനൻ, ആദിൽ, ഇഹ്സാൻ തായാ, ഒ. അബ്ദുൽ ഗഫൂർ എന്നിവർ ചടങ്ങിൽ പങ്കെടുത്ത് ടൂർണമെന്റിന് കരുത്തേകി. ഉദ്ഘാടന ദിവസത്തെ മത്സരങ്ങളിൽ ശക്തമായ പ്രകടനം കാഴ്ചവെച്ച് ബ്രിട്ടീഷ് സ്കൂൾയും വേൾഡ് സ്കൂൾയും വിജയഗാഥ കുറിച്ചു.
മത്സരങ്ങളുടെ നിയന്ത്രണം കെ.പി. സുബൈർ, നബാൻ, ഫർദീൻ എന്നിവർ നിർവഹിച്ചു. ടൂർണമെന്റിന് നേതൃത്യം നൽകിയത് ഫാസ് അക്കാദമി ചെയർമാൻ ജംഷാദ് അലി, അമീർ കല്ലാച്ചി, ദേവിക എന്നിവർ ഉൾപ്പെടുന്ന സംഘമായിരുന്നു.
വേദി ആവേശത്തിൻ്റെയും കളി രസത്തിൻ്റെയും ഉത്സവമായി മാറിക്കൊണ്ടിരിക്കെ ഫൈനൽ മത്സരം ഡിസംബർ 19-ന് നടക്കുമെന്ന് അധികൃതർ അറിയിച്ചു.
