അന്വേഷണം വാർത്തകൾ ലഭിക്കാന് വാട്സാപ്പ് ചാനലില് ചേരൂ.കോഴിക്കോട്: തദ്ദേശ തെരഞ്ഞെടുപ്പിൽ ഇടതുപക്ഷ ജനാധിപത്യ മുന്നണി സ്ഥാനാർത്ഥികളുടെ വിജയത്തിന് പിന്തുണ നൽകണമെന്നും, പുരോഗമന ആശയങ്ങൾക്ക് ശക്തമായ ജനപിന്തുണ ഉറപ്പാക്കണമെന്നും ആവശ്യപ്പെട്ട് പുരോഗമന അഭിഭാഷക വേദി കൺവെൻഷൻ സംഘടിപ്പിച്ചു. വടകര കേളുവേട്ടൻ സ്മാരകത്തിൽ നടന്ന ഈ യോഗത്തിന് കുറ്റ്യാടി എംഎൽഎ കുഞ്ഞമ്മദ് കുട്ടി ഉദ്ഘാടനം നിർവഹിച്ചു. ഇ.കെ. നാരായണൻ അധ്യക്ഷത വഹിച്ചു.
തെരഞ്ഞെടുപ്പിനെ അഭിമുഖീകരിച്ച് നിയമരംഗത്തുള്ളവർ സോഷ്യൽ, രാഷ്ട്രീയ ഉത്തരവാദിത്വത്തോടെ മുന്നോട്ട് വരണമെന്നും ജനക്ഷേമമാണ് ഇടതുപക്ഷ മുന്നണിയുടെ ലക്ഷ്യമെന്നും പ്രഭാഷകർ സമാഹാരത്തിൽ വ്യക്തമാക്കി. പി. വസന്തം, സനോജ് എ., ജ്യോതി കുമാർ, സ്മിത ഇ., രാഹുലൻ വി.പി. എന്നിവർ സംസാരിച്ചു.
എം.സിജിത്ത് സ്വാഗതവും സുഭാഷ്.ആർ നന്ദിയും പറഞ്ഞു. പ്രചരണത്തിനായി ഇ. ജ്യോതി കുമാർ (ചെയർമാൻ), ബൈജു രാഘവൻ, ലതിക ശ്രീനിവാസൻ (വൈസ് ചെയർ), വി.പി.രാഹുലൻ (കൺവീനർ), ഇ.സിജിത്ത്, ആർ.സുഭാഷ് (ജോ. കൺവീനർ), വി.സുരേഷ് ബാബു (ട്രഷറർ) എന്നിവർ ഭാരവാഹികളായി കമ്മിറ്റി രൂപവത്കരിച്ചു.
