അന്വേഷണം വാർത്തകൾ ലഭിക്കാന് വാട്സാപ്പ് ചാനലില് ചേരൂ.പാലക്കാട്: രാഹുൽ മാങ്കൂട്ടത്തിലിനെതിരെ കോണ്ഗ്രസ് ഉചിതമായ നടപടി സ്വീകരിക്കുമെന്ന് ഷാഫി പറമ്പില് എംപി. ആരോപണം ഉയര്ന്നപ്പോള് തന്നെ അദ്ദേഹത്തെ പാര്ട്ടിയില് നിന്നും പാര്ലമെന്ററി പാര്ട്ടിയില് നിന്നുമെല്ലാം നീക്കം ചെയ്തിട്ടുണ്ട്.
ഇപ്പോള് നിയമപരമായി കാര്യങ്ങള് നടക്കുകയാണ്. രാഹുലിനെതിരെ കൂടുതല് നടപടി എടുക്കേണ്ടതില് പാര്ട്ടി നേതൃത്വം കൂട്ടായി കൂടിയാലോചിച്ച് കെപിസിസി അധ്യക്ഷന് തീരുമാനം പ്രഖ്യാപിക്കുമെന്ന് ഷാഫി പറമ്പില് പറഞ്ഞു.
രാഹുല് വിഷയത്തില് കോണ്ഗ്രസ് പാര്ട്ടി എടുക്കുന്ന ഏതു തീരുമാനവും തന്റെതു കൂടിയാണെന്ന് ഷാഫി പറഞ്ഞു. ഞങ്ങളെല്ലാം ചേര്ന്ന് യോജിച്ചെടുക്കുന്ന തീരുമാനങ്ങളാണത്. വ്യക്തിപരമായ അടുപ്പമോ, അടുപ്പക്കുറവോ പാര്ട്ടി തീരുമാനത്തെ സ്വാധീനിക്കില്ല.
അദ്ദേഹം പാര്ട്ടിയില് നിന്ന് മാറി നിന്നതും പാര്ട്ടി എടുത്ത തീരുമാനമാണ്. അതില് തന്നെ വ്യക്തിപരമായി ഒറ്റപ്പെടുത്തി ചിത്രീകരിക്കേണ്ടതില്ലെന്നും ഷാഫി പറഞ്ഞു.
