അന്വേഷണം വാർത്തകൾ ലഭിക്കാന് വാട്സാപ്പ് ചാനലില് ചേരൂ.ഭുവനേശ്വർ: കാമുകി വിവാഹത്തിൽ നിന്ന് പിന്മാറിയതിനെ തുടർന്ന് യുവാവ് ആത്മഹത്യ ചെയ്തു. ഒഡീഷയിലെ ജാജ്പൂര് ജില്ലയിലെ കൊളാത്തല ഗ്രാമത്തിലാണ് സംഭവം. 24 കാരൻ ആയ ചതുർഭുജ് ദാസ് ആണ് ജീവനൊടുക്കിയത്. ഇരുവരും ഏകദേശം 14 വർഷമായി പ്രണയത്തിലായിരുന്നുവെന്ന് റിപ്പോർട്ടുണ്ട്. സര്ക്കാര് സ്കൂളില് അധ്യാപികയായി ജോലിക്ക് കയറിയതിനു തൊട്ടു പിന്നാലെയാണ് യുവതി വിവാഹത്തില് നിന്നും പിന്മാറിയത്.
സ്വന്തം ജോലി പോലും ഉപേക്ഷിച്ച് ചതുര്ഭുജ് കാമുകിയെ പഠിപ്പിക്കുകയും ജോലി നേടാന് സഹായിക്കുകയും ചെയ്തിരുന്നു. എന്നാല് സര്ക്കാര് ഹൈസ്കൂളില് ജോലി ലഭിച്ചതിന് പിന്നാലെ കാമുകി തന്നെ ഉപേക്ഷിച്ചതില് മനംനൊന്താണ് യുവാവ് ജീവനൊടുക്കിയതെന്ന് ചതുര്ഭുജിന്റെ കുടുംബം ആരോപിച്ചു. ഇരുവരും 14 വര്ഷത്തോളമായി പ്രണയത്തിലായിരുന്നു.
ജോലി ലഭിച്ചതിന് ശേഷം കാമുകി ചതുര്ഭുജില് നിന്ന് അകലുകയും ഏറെക്കാലമായി ചര്ച്ചയിലുണ്ടായിരുന്ന വിവാഹത്തില് നിന്ന് പിന്മാറുകയും ചെയ്തുവെന്ന് ബന്ധുക്കള് ആരോപിച്ചു.
