അന്വേഷണം വാർത്തകൾ ലഭിക്കാന് വാട്സാപ്പ് ചാനലില് ചേരൂ.ഇന്തോ-ചൈനീസ് ഉപദ്വീപിലെ അയൽരാജ്യങ്ങളായ തായ്ലൻഡും കംബോഡിയയും തമ്മിലുള്ള അതിർത്തി തർക്കം കൂടുതൽ സംഘർഷഭരിതമായി. അതിർത്തിയിലെ ഏറ്റുമുട്ടലിന് പിന്നാലെ തായ്ലൻഡ് കംബോഡിയൻ അതിർത്തി കടന്ന് വ്യോമാക്രമണം നടത്തിയതായി റിപ്പോർട്ടുകൾ. ഈ ആക്രമണത്തിൽ ഒരു തായ് സൈനികൻ കൊല്ലപ്പെട്ടതായി അധികൃതർ സ്ഥിരീകരിച്ചു. തായ് സൈന്യം ആക്രമണം നടത്തിയെന്ന് കംബോഡിയൻ സൈന്യവും സ്ഥിരീകരിച്ചിട്ടുണ്ട്.
അതിർത്തിയിലെ ഈ വ്യോമാക്രമണം യുഎസ് പ്രസിഡന്റ് ഡോണൾഡ് ട്രംപിന്റെ സാന്നിധ്യത്തിൽ ഒപ്പിട്ട സമാധാനക്കരാറിന്റെ ലംഘനമാണെന്ന് കംബോഡിയൻ ഭരണകൂടം ആരോപിച്ചു. 2018 ഒക്ടോബർ 26-നാണ് ഇരു രാജ്യങ്ങളും വെടിനിർത്തൽ കരാറിൽ ഒപ്പിട്ടത്. എന്നാൽ, തായ് സൈനികർക്ക് കുഴിബോംബ് സ്ഫോടനത്തിൽ പരിക്കേറ്റതിനെ തുടർന്ന് തായ്ലൻഡ് കരാറിൽനിന്ന് പിൻമാറുകയായിരുന്നു.
ഈ വർഷം ജൂലൈയിലാണ് ഇരു രാജ്യങ്ങളും തമ്മിൽ ആദ്യമായി സംഘർഷമുണ്ടായത്. അന്നത്തെ സംഘർഷത്തിൽ ഇരു രാജ്യങ്ങളിലുമായി 43 പേർ കൊല്ലപ്പെടുകയും മൂന്ന് ലക്ഷം പേർ ഭവനരഹിതരാകുകയും ചെയ്തിരുന്നു. 800 കിലോമീറ്ററിലധികം അതിർത്തിയാണ് തായ്ലൻഡും കംബോഡിയയും പങ്കിടുന്നത്.
അതിർത്തി മേഖലയിലെ ഒരു പുരാതന ശിവക്ഷേത്രത്തിന്റെ ഉടമസ്ഥാവകാശത്തെ ചൊല്ലിയാണ് നിലവിലെ സംഘർഷങ്ങൾക്ക് പ്രധാന കാരണം. ഈ ക്ഷേത്രത്തിന്റെ ഉടമസ്ഥാവകാശം അന്താരാഷ്ട്ര കോടതിയുടെ വിധി പ്രകാരം തായ്ലൻഡിനാണെങ്കിലും, ഈ വിധി അംഗീകരിക്കാൻ കംബോഡിയ തയ്യാറാകാത്തതാണ് പ്രതിസന്ധിക്ക് കാരണം. ഈ തർക്കം നിലനിൽക്കെയാണ് ഇപ്പോൾ അതിർത്തിയിൽ വീണ്ടും സംഘർഷം ആളിക്കത്തിയത്
