അന്വേഷണം വാർത്തകൾ ലഭിക്കാന് വാട്സാപ്പ് ചാനലില് ചേരൂ.വയനാട് മാനന്തവാടി ഗവ. മെഡിക്കല് കോളജിലെ ചികിത്സാ പിഴയില് പൊലീസ് കേസെടുത്തു. പ്രസവശേഷം യുവതിയുടെ വയറ്റില് നിന്ന് തുണിക്കെട്ട് പുറത്തുവന്ന സംഭവത്തിലാണ് പൊലീസ് നടപടി. മാനന്തവാടി എസ് ഐ എം സി പവനനാണ് അന്വേഷണചുമതല. പാണ്ടിക്കടവ് സ്വദേശിയായ യുവതിയാണ് പരാതി നല്കിയത്.യുവതിയുടെ വീട്ടിലെത്തി പൊലീസ് വിവരങ്ങള് ശേഖരിച്ചു. സംഭവത്തില് ആരോഗ്യവകുപ്പിന്റെ സംഘത്തിന്റെ അന്വേഷണത്തിന് ശേഷമാണ് ഇപ്പോള് പൊലീസിന്റെ നടപടി. ആരോഗ്യവകുപ്പിന്റെ അഡീഷണല് ഡയറക്ടര് തന്നെ മാനന്തവാടിയിലെത്തി അന്വേഷണം നടത്തിയിരുന്നു. യുവതിയുടെ ശരീരത്തില് നിന്ന് പുറത്തുവന്ന തുണിയും പരീക്ഷണത്തിന് വിധേയമാക്കിയിരുന്നു. വിദഗ്ധ സംഘത്തിന്റെ പരിശോധയുടേയും ശാസ്ത്രീയ പരിശോധനകളുടേയും അടിസ്ഥാനത്തിലാണ് പൊലീസിന്റെ നീക്കം.
തനിക്ക് ഇപ്പോഴും ചില ആരോഗ്യപ്രശ്നങ്ങളുള്ളതിനാല് തന്റെ അമ്മയ്ക്ക് പണിയ്ക്ക് പോലും പോകാതെ തന്നെ നോക്കേണ്ടി വന്നിരിക്കുകയാണെന്ന് യുവതി ട്വന്റിഫോറിലൂടെ വെളിപ്പെടുത്തിയിരുന്നു. മാനന്തവാടി പാണ്ടിക്കടവ് സ്വദേശിയായ 21 കാരിയാണ് മെഡിക്കല് കോളേജിലെ സ്ത്രീരോഗവിഭാഗം ഡോക്ടര്ക്കെതിരെ പരാതി നല്കിയത്. ട്വന്റിഫോറാണ് വാര്ത്ത പുറത്തുകൊണ്ടുവന്നത്. വയറുവേദനയാണെന്ന് ആവര്ത്തിച്ച് പറഞ്ഞിട്ടും കൃത്യമായ പരിശോധനകള് നടത്താന് പോലും ഡോക്ടര്മാര് തയ്യാറായില്ലെന്നും വെള്ളം കുടിക്കാന് ഉപദേശിക്കുക മാത്രമാണ് ചെയ്തതെന്നും യുവതി ട്വന്റിഫോറിലൂടെ പ്രതികരിച്ചിരുന്നു.
Story Highlights : police case in medical negligence in mananthavady medical college
