അന്വേഷണം വാർത്തകൾ ലഭിക്കാന് വാട്സാപ്പ് ചാനലില് ചേരൂ.തമിഴ് സൂപ്പർ താരം അജിത്തിനെ നായകനാക്കി വെങ്കട്ട് പ്രഭു ഒരുക്കിയ ഹിറ്റ് സിനിമയാണ് ‘മങ്കാത്ത’. ചിത്രത്തിൽ വിനായക് മഹാദേവ് എന്ന വില്ലൻ ആയിട്ടാണ് അജിത് എത്തുന്നത്. ഇപ്പോഴിതാ പതിതിനാല് വർഷങ്ങൾക്ക് ശേഷം ചിത്രം വീണ്ടും റീ റീലീസ് ചെയ്തപ്പോഴും അതേ ആവേശമാണ് മങ്കാത്തയ്ക്ക് തിയേറ്ററിൽ നിന്നും ലഭിക്കുന്നത്. എന്നാലിതാ ചിത്രം പ്രദർശിപ്പിക്കുന്ന ഒരു തിയേറ്ററിനകത്തെ കാഴ്ചയാണ് സോഷ്യൽ മീഡിയയിൽ വൈറൽ ആകുന്നത്.
மங்காத்தா சம்பவம் பண்ணுது!! ☠️🔥🔥#Mankatha pic.twitter.com/zui37FO7Pb
— AJITHKUMAR FANS CLUB (@ThalaAjith_FC) January 24, 2026
ചിത്രത്തിന്റെ പ്രദർശനം തുടരവേ അജിത് ആരാധകർ തിയേറ്ററിനുള്ളിൽ പടക്കം പൊട്ടിച്ച് ആഘോഷിക്കുന്ന വീഡിയോ ആണ് വൈറലാകുന്നത്. സിനിമയുടെ ക്ലൈമാക്സിനോട് അടുക്കുമ്പോഴാണ് ആരാധകർ പടക്കം പൊട്ടിച്ചത്. പടക്കം പൊട്ടിയ ഉടൻ ചിതറിയോയിടുന്ന മറ്റു പ്രേക്ഷകരെയും വീഡിയോയിൽ കാണാം. നിരവധി വിമർശനങ്ങളാണ് ഈ വീഡിയോക്ക് പിന്നാലെ വരുന്നത്. ആരാധകരുടെ അതിരുവിട്ട ഇത്തരം ആഘോഷങ്ങൾ മറ്റു പ്രേക്ഷകരെയും അപകടത്തിലാക്കും എന്നാണ് കമന്റുകൾ. മുൻപും ഇത്തരത്തിലുള്ള സംഭവങ്ങൾ തമിഴ്നാട്ടിലെ തിയേറ്ററിനുള്ളിൽ സംഭവിച്ചിട്ടുണ്ട്. അപ്പോഴെല്ലാം വലിയ വിമർശനങ്ങൾ ആണ് ലഭിച്ചത്.
അതേസമയം, പിങ്ക് വില്ലയുടെ റിപ്പോർട്ട് പ്രകാരം, മങ്കാത്ത തമിഴ്നാട് ബോക്സ് ഓഫീസിൽ 3.75 കോടി രൂപ നേടി. ഒരു റീ-റിലീസ് ചിത്രത്തിന് ലഭിക്കുന്ന ഏറ്റവും വലിയ ഓപ്പണിംഗ് റെക്കോർഡും മങ്കാത്ത നേടി. വിജയ് ചിത്രം ഗില്ലിയുടെ റെക്കോർഡ് അജിത് തൂഫാനാക്കിയിരിക്കുകയാണ്. ആദ്യ ദിനം വിജയ് ചിത്രം തമിഴ് നാട്ടിൽ നിന്ന് 3.50 കോടി രൂപയാണ് നേടിയത് ഈ റെക്കോർഡ് ആണ് അജിത് തിരുത്തിയിരിക്കുന്നത്. ആഗോളതലത്തിലും വിജയ്യെ അജിത് സൈഡ് ആക്കിയിട്ടുണ്ട്. 4 കോടിയാണ് ഗില്ലിയുടെ നേട്ടമെങ്കിൽ 4 .1 കോടിയാണ് മങ്കാത്ത ആഗോളതലത്തിൽ നേടിയിരിക്കുന്നത്.
സിനിമയുടെ റീ റിലീസിന് കേരളത്തിൽ നിന്നും തമിഴ്നാട്ടിൽ നിന്നും വലിയ വരവേൽപ്പാണ് ലഭിച്ചിരിക്കുന്നത്. കേരളത്തിൽ സിനിമയുടെ ആദ്യ ഷോയിൽ നിന്നുള്ള വീഡിയോയും ചിത്രങ്ങളുമെല്ലാം സോഷ്യൽ മീഡിയയിൽ ഇപ്പോൾ തന്നെ വൈറലാണ്. പല തിയേറ്ററുകളിലും നിറഞ്ഞ സദസിലാണ് സിനിമയുടെ പ്രദർശനം ആരംഭിച്ചിരിക്കുന്നത്.
