അന്വേഷണം വാർത്തകൾ ലഭിക്കാന് വാട്സാപ്പ് ചാനലില് ചേരൂ.കേരളത്തിന്റെ മുൻ മുഖ്യമന്ത്രിയും ജനപ്രിയ നേതാവുമായിരുന്ന വി.എസ്. അച്യുതാനന്ദന് മരണാനന്തര ബഹുമതിയായി പത്മവിഭൂഷൺ നൽകാനുള്ള കേന്ദ്ര സർക്കാർ തീരുമാനത്തെ സി.പി.എം സ്വാഗതം ചെയ്തു. അർഹമായ ഈ അംഗീകാരത്തിൽ വി.എസിന്റെ കുടുംബത്തിനൊപ്പം പാർട്ടിക്കും വലിയ സന്തോഷമുണ്ടെന്ന് സി.പി.എം സംസ്ഥാന സെക്രട്ടറി എം.വി. ഗോവിന്ദൻ പറഞ്ഞു.
വി.എസും മെഗാസ്റ്റാർ മമ്മൂട്ടിയും ഉൾപ്പെടെ എട്ട് മലയാളികളാണ് ഇത്തവണ പത്മ പുരസ്കാര പട്ടികയിൽ ഇടംപിടിച്ചത്.
മുൻകാലങ്ങളിൽ സി.പി.എം നേതാക്കൾ പത്മ പുരസ്കാരങ്ങൾ നിരസിക്കുന്ന പതിവാണ് ഉണ്ടായിരുന്നത്. ഇ.എം.എസ്. നമ്പൂതിരിപ്പാട്, ഹർകിഷൻ സിംഗ് സുർജിത്, ബുദ്ധദേബ് ഭട്ടാചാര്യ തുടങ്ങിയവർ പത്മ പുരസ്കാരങ്ങളും ജ്യോതി ബസു ഭാരതരത്നവും നിരസിച്ചത് ചരിത്രമാണ്.
എന്നാൽ വി.എസ് ഇന്ന് നമ്മോടൊപ്പമില്ലാത്ത സാഹചര്യത്തിൽ, കുടുംബത്തിന്റെ താല്പര്യത്തെ മാനിച്ചുകൊണ്ടാണ് പാർട്ടി ഈ അംഗീകാരത്തെ സ്വാഗതം ചെയ്തിരിക്കുന്നത്. വ്യക്തിപരമായ നിലപാടുകൾ ഓരോ നേതാവിനും അനുസരിച്ച് മാറുമെന്നും കുടുംബത്തിന്റെ തീരുമാനത്തിൽ പാർട്ടിക്കും സന്തോഷമേയുള്ളൂവെന്നും എം.വി. ഗോവിന്ദൻ വ്യക്തമാക്കി.
