അന്വേഷണം വാർത്തകൾ ലഭിക്കാന് വാട്സാപ്പ് ചാനലില് ചേരൂ.സ്വപ്ന ബജറ്റല്ല, സമൂഹത്തിലെ എല്ലാ വിഭാഗങ്ങളെയും പരിഗണിച്ചുകൊണ്ടുള്ള പ്രായോഗിക ബജറ്റാണ് അവതരിപ്പിക്കുകയെന്നും കെ.എന് ബാലഗോപാല്. പ്രയോഗിക ബജറ്റായിരിക്കുമെന്നും ചെയ്യാൻ പറ്റാത്ത കാര്യങ്ങള് പറയുന്ന ബജറ്റായിരിക്കില്ലെന്നും കെഎൻ ബാലഗോപാൽ പറഞ്ഞു. എല്ലാത്തിനും തുടര്ച്ചയുണ്ടാകുമെന്നും നല്ല കേരളം പടുത്തുയര്ത്താനുള്ള ശ്രമം ഉണ്ടാകുമെന്നും ധനമന്ത്രി പറഞ്ഞു.
എല്ലാ ബജറ്റുകളും നാടിനെ മുന്നോട്ടുകൊണ്ടുപോകാൻ സഹായിക്കുന്നതായിരിക്കും. സാധാരണക്കാരുടെ പ്രശ്നങ്ങളടക്കം കണക്കിലെടുക്കണം. കൂടുതൽ തൊഴിലവസരം ഉണ്ടാകണം. സംസ്ഥാനത്തിന് സ്വന്തം കാലിൽ നിൽക്കാൻ കഴിയുന്നതിനുള്ള കാര്യങ്ങള് ബജറ്റിലുണ്ടാകണം. വിദേശത്തേക്ക് ആളുകള് പോകുമ്പോള് നമ്മുടെ നാടിന്റെ സമ്പദ് വ്യവസ്ഥ കൂടി മെച്ചപ്പെടണം. ഇത്തരം കാര്യങ്ങളെല്ലാം കണക്കിലെടുത്തുകൊണ്ടുള്ള പ്രയോഗിക ബജറ്റായിരിക്കും അവതരിപ്പിക്കുകയെന്നും കെഎൻ ബാലഗോപാൽ പറഞ്ഞു.
അതിവേഗ റെയിൽ പാതയിലും ധനമന്ത്രി മറുപടി പറഞ്ഞു. ഏതു പേരായാലും തിരുവനന്തപുരം മുതൽ കാസർഗോഡ് വരെ അടുത്ത തലമുറയ്ക്ക് വേഗത്തിൽ പോകാൻ കഴിയണം. വേഗത്തിൽ കേരളത്തെ പരസ്പരം കണക്ട് ചെയ്യുന്ന ട്രെയിനാണ് വേണ്ടത്. ആർആർടിഎസ് റെയിൽവേ അല്ല, മെട്രോയുമായി ബന്ധപ്പെട്ടതാണെന്നും ധനമന്ത്രി കെ.എൻ. ബാലഗോപാൽ വിശദീകരിച്ചു.
ബജറ്റ് അവതരണത്തിന് മുന്നോടിയായി ഉദ്യോഗസ്ഥരിൽ നിന്ന് രേഖകള് അടങ്ങിയ പെട്ടി കൈപ്പറ്റിയശേഷം മാധ്യമങ്ങളോട് സംസാരിക്കുകയായിരുന്നു കെഎൻ ബാലഗോപാൽ.
