അന്വേഷണം വാർത്തകൾ ലഭിക്കാന് വാട്സാപ്പ് ചാനലില് ചേരൂ.കേരളത്തെ നടുക്കിയ കോട്ടാങ്ങൽ നേഴ്സ് കൊലക്കേസിൽ പ്രതി നസീറിന് (46) ജീവപര്യന്തം തടവുശിക്ഷ വിധിച്ചു. പത്തനംതിട്ട അഡീഷണൽ സെഷൻസ് കോടതിയാണ് ഈ നിർണ്ണായക വിധി പുറപ്പെടുവിച്ചത്. ബലാത്സംഗത്തിന് പത്ത് വർഷം കഠിനതടവും, വീട്ടിൽ അതിക്രമിച്ചു കയറിയതിന് ഏഴ് വർഷം തടവും പ്രതി അധികമായി അനുഭവിക്കണം. 2019 ഡിസംബർ 15-ന് നടന്ന ദാരുണമായ സംഭവത്തിൽ ആറുവർഷത്തിന് ശേഷമാണ് നീതി നടപ്പിലാകുന്നത്.
കോട്ടാങ്ങൽ സ്വദേശിനിയായ 26-കാരി ടിഞ്ചു മൈക്കിൾ കൊല്ലപ്പെട്ടത് അതിക്രൂരമായ പീഡനത്തിനൊടുവിലാണെന്ന് കോടതി കണ്ടെത്തി. തടിക്കച്ചവടക്കാരനായ നസീർ, മരങ്ങൾ നോക്കാനെന്ന വ്യാജേനയാണ് ടിഞ്ചുവും സുഹൃത്തായ ടിജിനും താമസിച്ചിരുന്ന വീട്ടിലെത്തിയത്. വീട്ടിൽ ആരുമില്ലാത്ത സമയം നോക്കി അകത്തുകയറിയ പ്രതി ടിഞ്ചുവിനെ ക്രൂരമായി ബലാത്സംഗം ചെയ്യുകയായിരുന്നു. തുടർന്ന് അബോധാവസ്ഥയിലായ യുവതിയെ കട്ടിലിൽ തലയിടിപ്പിച്ച് പരിക്കേൽപ്പിക്കുകയും, തെളിവ് നശിപ്പിക്കാനായി ജീവനോടെ മേൽക്കൂരയിലെ ഹുക്കിൽ കെട്ടിത്തൂക്കി കൊലപ്പെടുത്തുകയുമായിരുന്നു.
തുടക്കത്തിൽ ലോക്കൽ പോലീസ് ഈ സംഭവത്തെ ഒരു ആത്മഹത്യയായാണ് കണ്ടിരുന്നത്. ടിഞ്ചുവിന്റെ ശരീരത്തിൽ 53-ഓളം മുറിവുകളുണ്ടായിട്ടും കൃത്യമായ അന്വേഷണം നടത്താൻ ആദ്യം പോലീസിന് കഴിഞ്ഞിരുന്നില്ല. പിന്നീട് കേസ് ക്രൈംബ്രാഞ്ച് ഏറ്റെടുത്തതോടെയാണ് അന്വേഷണത്തിൽ വൻ വഴിത്തിരിവുണ്ടായതും പ്രതിയെ കണ്ടെത്തിയതും
