അന്വേഷണം വാർത്തകൾ ലഭിക്കാന് വാട്സാപ്പ് ചാനലില് ചേരൂ.ഹമദ് അന്താരാഷ്ട്ര വിമാനത്താവളത്തിലൂടെ യാത്ര ചെയ്യുന്ന ഭിന്നശേഷിക്കാർക്ക് കൂടുതൽ പിന്തുണയും സൗകര്യവും ഉറപ്പാക്കാൻ പുതിയ ഒരു ആഗോള പദ്ധതി നടപ്പിലാക്കി. ‘ഹിഡൻ ഡിസെബിലിറ്റീസ് സൺഫ്ലവർ’ എന്ന് പേരിട്ട പദ്ധതിയുടെ ഭാഗമായി ഓട്ടിസം, കേൾവിക്കുറവ്, മാനസികാരോഗ്യ പ്രശ്നങ്ങൾ തുടങ്ങിയ പുറമെ കാണാൻ പറ്റാത്ത അവസ്ഥകളുള്ള യാത്രക്കാർക്ക് പ്രത്യേക പിന്തുണ ലഭിക്കും.
പദ്ധതിയുടെ ഭാഗമായി, പ്രത്യേക സൺഫ്ലവർ അടയാളമുള്ള കഴുത്തിൽ തൂക്കുന്ന ലാനിയാർഡുകൾ യാത്രക്കാർക്ക് ലഭിക്കും. ഇത് ധരിക്കുന്നവർക്ക് വിമാനത്താവള ജീവനക്കാരിൽ നിന്ന് കൂടുതൽ സമയം, ലളിതമായ ആശയവിനിമയം, നിർദ്ദേശങ്ങൾ, സഹായം എന്നിവ ലഭിക്കാനുള്ള അവസരം നൽകുന്നു. യാത്രക്കാർക്ക് താൽപ്പര്യമുണ്ടെങ്കിൽ മാത്രമേ ഈ സേവനം ഉപയോഗിക്കാവൂ.
ലാനിയാർഡുകൾ സൗജന്യമായി ഇൻഫർമേഷൻ ഡെസ്കുകളിൽ ലഭ്യമാണ്. പുറപ്പെടുന്ന യാത്രക്കാർക്ക് ചെക്ക്-ഇൻ ഏരിയയിൽ നിന്നോ, ട്രാൻസ്ഫർ യാത്രക്കാർക്ക് ‘ലാമ്പ് ബിയർ’ ഏരിയയിൽ അല്ലെങ്കിൽ ‘ദി ഓർച്ചാർഡ്’ ഭാഗത്തുള്ള ഡെസ്കുകളിൽ നിന്നോ ഇത് കൈപ്പറ്റാം.
യാത്രക്കാർക്ക് അവരെ പിന്തുണക്കുന്ന അന്താരാഷ്ട്ര മാനദണ്ഡങ്ങളെ അനുയോജ്യമായി സുരക്ഷയും സൗകര്യവും നൽകുന്ന ഒരു സുവര്ണാവസരം ആയി ഈ പുതിയ പദ്ധതി മാറുന്നു.
