അന്വേഷണം വാർത്തകൾ ലഭിക്കാന് വാട്സാപ്പ് ചാനലില് ചേരൂ.ബോളിവുഡ് സൂപ്പർ താരം സൽമാൻ ഖാനെ കുറിച്ച് സംവിധായികയും കൊറിയോഗ്രാഫറുമായ ഫറാ ഖാൻ പറഞ്ഞ വാക്കുകളാണ് ശ്രദ്ധ നേടുന്നത്. 2006-ൽ പുറത്തിറങ്ങിയ ‘ജാൻ-ഇ-മൻ’ എന്ന സിനിമയിലെ ‘സൗ ദർദ് ഹേ’ എന്ന ഗാനരംഗത്തിൽ സൽമാൻ ഖാൻ ഗ്ലിസറിൻ ഇല്ലാതെയാണ് കരഞ്ഞതെന്ന് ഫറാ ഖാൻ വെളിപ്പെടുത്തി. ന്യൂയോർക്കിലെ ബ്രൂക്ലിൻ ബ്രിഡ്ജിൽ വെച്ചായിരുന്നു ആ വികാരാധീനമായ ഗാനരംഗം ചിത്രീകരിച്ചതെന്ന് ഫറാ ഖാൻ പറഞ്ഞു.
സൽമാൻ തന്റെ വേദനകൾ ഉള്ളിലൊതുക്കി അഭിനയിക്കുന്നത് താൻ കണ്ട അപൂർവ്വം നിമിഷങ്ങളിൽ ഒന്നായിരുന്നു ഇതെന്നും അവർ ഓർത്തെടുത്തു. ന്യൂയോർക്കിലെ ബ്രൂക്ലിൻ ബ്രിഡ്ജിൽ വെച്ചായിരുന്നു ആ വികാരാധീനമായ ഗാനരംഗം ചിത്രീകരിച്ചതെന്ന് ഫറാ ഖാൻ പറഞ്ഞു. ആ സമയത്ത് സൽമാന്റെ ജീവിതത്തിൽ എന്താണ് സംഭവിച്ചുകൊണ്ടിരുന്നതെന്ന് തനിക്കറിയില്ല. എന്നാൽ അദ്ദേഹം അവിടെ നിന്നു പൊട്ടിക്കരഞ്ഞത് ഒരു മാന്ത്രിക നിമിഷമായിരുന്നു. ഈ സിനിമയുടെ പരാജയത്തിൽ ഏറെ ദുഃഖിച്ചിരുന്നു. തന്റെ കരിയറിലെ മികച്ച കൊറിയോഗ്രാഫികളിൽ ഒന്നാണ് ഈ ചിത്രത്തിലേതെന്നും അവർ കൂട്ടിച്ചേർത്തു.
സൽമാൻ ഖാനുമായുള്ള തന്റെ ദീർഘകാല സൗഹൃദത്തെക്കുറിച്ചും അദ്ദേഹത്തിന്റെ വ്യക്തിത്വത്തെക്കുറിച്ചും ഫറാ ഖാൻ സംസാരിച്ചു. സൽമാന് നർമബോധം ഉണ്ടെങ്കിലും അദ്ദേഹം വളരെ മൃദുലഹൃദയനാണെന്ന് അവർ വ്യക്തമാക്കി. സൽമാൻ ഖാൻ തന്റെ ജോലിയോട് അതീവ പ്രതിബദ്ധതയുള്ളയാളാണെന്നും, തന്റെ കരിയറിൽ അദ്ദേഹം വളരെ കുറച്ച് അവധി ദിവസങ്ങൾ മാത്രമേ എടുത്തിട്ടുള്ളൂവെന്നും അവർ പറഞ്ഞു. സെറ്റിൽ വൈകി എത്തുന്നു എന്ന ആരോപണങ്ങൾക്കിടയിലും, ജോലി പൂർത്തിയാക്കാൻ എത്ര വൈകിയും അദ്ദേഹം സെറ്റിൽ തുടരാറുണ്ടെന്ന് ഫറാ ഖാൻ വെളിപ്പെടുത്തി.
ഷിരീഷ് കുന്ദർ സംവിധാനം ചെയ്ത ‘ജാൻ-ഇ-മൻ’ എന്ന ചിത്രത്തിൽ സൽമാനെ കൂടാതെ അക്ഷയ് കുമാർ, പ്രീതി സിന്റ എന്നിവരും പ്രധാന വേഷങ്ങളിൽ എത്തിയിരുന്നു. ഷാരൂഖ് ഖാന്റെ ‘ഡോൺ’ എന്ന ചിത്രത്തോടൊപ്പമാണ് ഈ സിനിമ തിയേറ്ററുകളിൽ എത്തിയത്. ബോക്സോഫീസിൽ വലിയ ചലനം സൃഷ്ടിക്കാൻ കഴിഞ്ഞില്ലെങ്കിലും, ചിത്രത്തിലെ ഗാനങ്ങൾ ഇന്നും പ്രേക്ഷകർക്കിടയിൽ വളരെ ജനപ്രിയമാണ്.
2020-ലെ ഗാൽവൻ വാലി സംഘർഷത്തെ ആസ്പദമാക്കി ഒരുക്കുന്ന ‘ബാറ്റിൽ ഓഫ് ഗാൽവൻ’ ആണ് സൽമാന്റെ വരാനിരിക്കുന്ന ചിത്രം. ഈ ചിത്രം 2026 ഏപ്രിൽ 10-ന് റിലീസ് ചെയ്യാനാണ് തീരുമാനിച്ചിരിക്കുന്നത്. ഫറാ ഖാൻ താൻ ഷാരൂഖ് ഖാനെ നായകനാക്കി ഒരു സിനിമ ഉടൻ സംവിധാനം ചെയ്യുമെന്ന് റിപ്പോർട്ടുണ്ട്.
