അന്വേഷണം വാർത്തകൾ ലഭിക്കാന് വാട്സാപ്പ് ചാനലില് ചേരൂ.സോഷ്യൽ മീഡിയ പ്രേക്ഷകർക്ക് സുപരിചിതമായ കുടുംബമാണ് നടൻ കൃഷ്ണകുമാറിന്റേത്. അദ്ദേഹത്തിന്റെ ഭാര്യയും നാലു മക്കളും യൂട്യൂബ് ചാനലും ഇൻസ്റ്റഗ്രാം റീലുകളുമൊക്കെയായി സോഷ്യൽ മീഡിയയിൽ സജീവമാണ്. ഇപ്പോഴിതാ അഹാനയുടെ വിവാഹത്തെ കുറിച്ച് കഴിഞ്ഞ ദിവസം ഒരു അഭിമുഖത്തിനിടെ നടന് കൃഷ്ണ കുമാര് നൽകിയ സൂചനകളാണ് സോഷ്യൽ മീഡിയയിൽ ചർച്ചയാവുന്നത്.
”അഹാന കഴിഞ്ഞ ദിവസം മെസേജ് അയച്ചു. കല്യാണം കഴിക്കാന് പോവുകയാണെന്ന്. ഞങ്ങളോട് അവതരിപ്പിക്കുകയേ വേണ്ട. അവരൊക്കെ വീട്ടില് വരുന്നുണ്ട്. ഞാനും ഇതുപോലെയായിരുന്നു. സിന്ധുവിനെ എന്റെ വീട്ടില് കൊണ്ടു പോകാറുണ്ടായിരുന്നു. ഏറ്റവും സൗകര്യം ഓരോരുത്തരും കല്യാണം കഴിക്കാന് പോകുന്നത് ആരെയാണെന്ന് അവര്ക്കും അറിയാം, എനിക്കും അറിയാം. നമുക്കും അത്ര സുഖം. സമാധാനം” കൃഷ്ണകുമാറിന്റെ വാക്കുകളിങ്ങനെ.
”എന്ത് ആവശ്യമുണ്ടേലും ഇപ്പോഴേ ഇവരോടൊക്കെ പറയാം. അശ്വിനേ അത് ചെയ്തേക്കണേ, അര്ജുനേ ഇങ്ങനെയാണേ, നിമിഷേ അങ്ങനെയാണേ. നിമിഷിന്റെ അച്ഛന് രവിയുമായി എനിക്ക് 35 കൊല്ലമായുള്ള പരിചയമാണ്. അദ്ദേഹം സിനിമയില് പ്രൊഡ്യൂസറായിരുന്നു. വര്ഷങ്ങള് മുമ്പ് അഹാനയും നിമിഷും ഷോര്ട്ട് ഫിലിം ചെയ്തപ്പോഴാണ് ഞാന് നിമിഷിനെ പരിചയപ്പെടുന്നത്. അതിശയകരമായ വളര്ച്ചയാണ് നിമിഷിന്റേത്. നിമിഷിന്റെ അച്ഛന് ഒരുപാട് മോഹങ്ങളുണ്ടായിരുന്നു. സിനിമയില് കുറേ ഇന്വെസ്റ്റ് ചെയ്തിരുന്നു. കുറെ പൈസ പോയ മനുഷ്യനാണ്. അന്നത്തെ കഷ്ടപ്പാടുകള്ക്ക് ദൈവം കൊടുക്കുന്നത് മക്കളിലൂടെയായിരിക്കും. ഗംഭീര വിജയം കൊടുത്തിരിക്കുന്നു. നിമിഷ് ഹംബിളും സിമ്പിളുമാണ്. അച്ഛനമ്മമാരുടെ ക്വാളിറ്റിയായിരിക്കും അത്,” കൃഷ്ണകുമാറിന്റെ വാക്കുകളിങ്ങനെ.
