അന്വേഷണം വാർത്തകൾ ലഭിക്കാന് വാട്സാപ്പ് ചാനലില് ചേരൂ.മധ്യപൂർവേഷ്യൻ സംഘർഷത്തിനിടെ സൗദി അറേബ്യയിലെ റിയാദിൽ ഒരു ഇന്ത്യക്കാരൻ കൊല്ലപ്പെട്ടു. ഈ മാസം 18 നാണ് ഇന്ത്യൻ പൗരൻ കൊല്ലപ്പെട്ടത്. റിയാദിലെ ഇന്ത്യൻ എംബസി ഇക്കാര്യം സ്ഥിരീകരിച്ചു. ഇതാദ്യമായാണ് സൗദിയിൽ ഇറാന്റെ ആക്രമണത്തിൽ ഒരു ഇന്ത്യക്കാരൻ കൊല്ലപ്പെടുന്നത്. മരിച്ച വ്യക്തിയുടെ കുടുംബവുമായി എംബസി അധികൃതർ ആശയവിനിമയം നടത്തി. മൃതദേഹം നാട്ടിൽ എത്തിക്കുന്നതുൾപ്പടെയുള്ള കാര്യങ്ങളിൽ ആവശ്യമായ എല്ലാ സഹായങ്ങളും എംബസി ചെയ്തു നൽകുമെന്ന് എക്സ് പോസ്റ്റിൽ വ്യക്തമാക്കി.
മാർച്ച് 18 ബുധനാഴ്ച റിയാദിനെ ലക്ഷ്യമാക്കി വന്ന നാല് ബാലിസ്റ്റിക് മിസൈലുകൾ തകർത്തതായി സൗദി അറേബ്യ അവകാശപ്പെട്ടു, ചില അവശിഷ്ടങ്ങൾ നഗരത്തിന് തെക്ക് ഒരു റിഫൈനറിക്ക് സമീപം വീണിരുന്നു.ഈ വീണുകിടക്കുന്ന അവശിഷ്ടങ്ങളിൽ ഇടിച്ച് ഇന്ത്യൻ പൗരൻ മരിച്ചിരിക്കാം എന്നാണ് നിഗമനം. ഇറാനിലെ സൗത്ത് പാർസ് ഗ്യാസ് ഫീൽഡിൽ ഇസ്രയേൽ നടത്തിയ ആക്രമണത്തിന് മറുപടിയായായിരുന്നു ഇറാന്റെ ആക്രമണം.
Story Highlights : Indian killed in Riyadh amid Iran war
