അന്വേഷണം വാർത്തകൾ ലഭിക്കാന് വാട്സാപ്പ് ചാനലില് ചേരൂ.ലോക്സഭാ വോട്ടെടുപ്പിന് വെറും നാല് ദിവസങ്ങൾ മാത്രം ശേഷിക്കെ, കേരളത്തിൽ ആവേശം വാനോളമുയർത്തി മുന്നണികളുടെ കലാശപ്പോരാട്ടം. ദേശീയ നേതാക്കൾ കൂട്ടത്തോടെ കേരളത്തിലേക്ക് എത്തുന്നതോടെ വോട്ടർമാരെ സ്വാധീനിക്കാനുള്ള അവസാനവട്ട ശ്രമത്തിലാണ് യുഡിഎഫ്, എൽഡിഎഫ്, എൻഡിഎ മുന്നണികൾ.
കോൺഗ്രസ് അധ്യക്ഷൻ മല്ലികാർജുൻ ഖർഗെ ഇന്ന് വൈകീട്ട് 4 മണിക്ക് കൊട്ടാരക്കരയിൽ വോട്ട് തേടിയെത്തും. കർണാടക മന്ത്രിമാരായ പ്രിയങ്ക് ഖർഗെ, കെ.ജെ. ജോർജ് എന്നിവരും യോഗത്തിൽ പങ്കെടുക്കും. കൊട്ടാരക്കര, പത്തനാപുരം, ചടയമംഗലം, പുനലൂർ, കുന്നത്തൂർ മണ്ഡലങ്ങളിലെ യുഡിഎഫ് സ്ഥാനാർത്ഥികൾക്കായി വോട്ട് അഭ്യർത്ഥിക്കും.
കേന്ദ്ര ആഭ്യന്തരമന്ത്രി അമിത് ഷാ, ധനമന്ത്രി നിർമല സീതാരാമൻ എന്നിവരാണ് എൻഡിഎയുടെ പ്രചാരണത്തിന് കരുത്തുപകരാൻ എത്തുന്നത്. അമിത് ഷാ കോഴിക്കോട്, എറണാകുളം, തിരുവനന്തപുരം ജില്ലകളിലെ വിവിധ പരിപാടികളിൽ അദ്ദേഹം പങ്കെടുക്കും. തിരുവനന്തപുരത്ത് പ്രവാസികളുമായും അദ്ദേഹം കൂടിക്കാഴ്ച നടത്തും. നിർമല സീതാരാമൻ തൃശൂർ, പാലക്കാട് മണ്ഡലങ്ങളിലെ ബിജെപി സ്ഥാനാർത്ഥികൾക്കായി വോട്ട് ചോദിക്കും.
വികസന നേട്ടങ്ങൾ ഉയർത്തിക്കാട്ടി മുഖ്യമന്ത്രി പിണറായി വിജയൻ ഇന്ന് കണ്ണൂർ ജില്ലയിൽ പര്യടനം നടത്തും. വയനാട് ഫണ്ട് വിവാദം രാഷ്ട്രീയ ആയുധമാക്കി കോൺഗ്രസിനെ പ്രതിരോധത്തിലാക്കാനാണ് ഇടത് മുന്നണിയുടെ നീക്കം.
