അന്വേഷണം വാർത്തകൾ ലഭിക്കാന് വാട്സാപ്പ് ചാനലില് ചേരൂ.കേരള നിയമസഭാ തെരഞ്ഞെടുപ്പിന്റെ വോട്ടെടുപ്പ് പകുതി പിന്നിടുമ്പോൾ സംസ്ഥാനത്ത് ഉജ്ജ്വലമായ പോളിംഗ് രേഖപ്പെടുത്തുന്നു. ആദ്യ മണിക്കൂറുകളിൽ സാവധാനത്തിലായിരുന്ന വോട്ടെടുപ്പ് ഉച്ചയോടെ ആവേശകരമായ നിലയിലേക്ക് ഉയർന്നു. ഉച്ചയ്ക്ക് ഒരു മണിവരെയുള്ള ഔദ്യോഗിക കണക്കുകൾ പ്രകാരം സംസ്ഥാനത്ത് 47.9 ശതമാനം പോളിംഗ് രേഖപ്പെടുത്തിയിട്ടുണ്ട്. വോട്ടർ പട്ടികയിലെ ക്രമക്കേടുകൾ ഒഴിവാക്കാൻ നടപ്പിലാക്കിയ പ്രത്യേക പരിശോധനയുടെ ഫലമായി, ഇത്തവണ പോളിംഗ് ശതമാനം 80 കടന്നേക്കുമെന്നാണ് വിലയിരുത്തൽ.
സംസ്ഥാനത്തെ 140 മണ്ഡലങ്ങളിലായി 30,495 ബൂത്തുകളിലാണ് വോട്ടെടുപ്പ് നടക്കുന്നത്. രാവിലെ മുതൽ തന്നെ നഗര-ഗ്രാമ വ്യത്യാസമില്ലാതെ എല്ലാ ബൂത്തുകളിലും വോട്ടർമാരുടെ നീണ്ട നിര ദൃശ്യമായിരുന്നു. ആകെ 2.71 കോടി വോട്ടർമാരാണ് ഇത്തവണ കേരളത്തിന്റെ ഭാവി തീരുമാനിക്കുന്നത്.
