അന്വേഷണം വാർത്തകൾ ലഭിക്കാന് വാട്സാപ്പ് ചാനലില് ചേരൂ.തിരുവനന്തപുരം കോർപറേഷനെതിരെ തുറന്നടിച്ച് മന്ത്രി വി. ശിവൻകുട്ടി രംഗത്ത്. നഗരസഭയുടെ പ്രവർത്തനം പൂർണ്ണമായും അവതാളത്തിലാണെന്നും മാലിന്യനിർമ്മാർജ്ജനവും തെരുവുവിളക്കുകളുടെ പരിപാലനവും പാടെ പാളിയെന്നും മന്ത്രി ആരോപിച്ചു.
നഗരത്തിൽ മാലിന്യനീക്കം കൃത്യമായി നടക്കുന്നില്ല. “നാറാത്തത് നാറുന്നു” എന്നായിരുന്നു നഗരത്തിലെ ദുർഗന്ധത്തെക്കുറിച്ച് മന്ത്രിയുടെ രൂക്ഷമായ പ്രതികരണം.
മാലിന്യം കുന്നുകൂടുന്നത് നഗരത്തെ പകർച്ചവ്യാധി ഭീതിയിലാഴ്ത്തിയിരിക്കുകയാണ്. ജനജീവിതം ദുസ്സഹമാക്കരുതെന്ന് അദ്ദേഹം നഗരസഭയോട് ആവശ്യപ്പെട്ടു. നഗരത്തിൽ പലയിടത്തും കുടിവെള്ളം മുടങ്ങുന്നതും തെരുവുവിളക്കുകൾ കത്താത്തതും ഗുരുതരമായ പ്രശ്നമായി മാറിയിരിക്കുന്നു.
നഗരത്തിലെ തെരുവുനായ ശല്യം വർദ്ധിച്ചിട്ടും നഗരസഭ കാര്യമായ നടപടികൾ സ്വീകരിക്കുന്നില്ല. ഈ സാഹചര്യത്തിൽ പ്രശ്നങ്ങൾ ചർച്ച ചെയ്യാൻ ഉടൻ സർവ്വകക്ഷി യോഗം വിളിക്കണമെന്ന് മന്ത്രി ആവശ്യപ്പെട്ടു.
