അന്വേഷണം വാർത്തകൾ ലഭിക്കാന് വാട്സാപ്പ് ചാനലില് ചേരൂ.സംസ്ഥാനത്ത് ലോഡ് ഷെഡിങ് പ്രഖ്യാപിച്ചതിനെത്തുടർന്ന് ജനരോഷം ശക്തമായ പശ്ചാത്തലത്തിൽ, തങ്ങളുടെ ജീവനും ഓഫീസിനും സുരക്ഷ ആവശ്യപ്പെട്ട് കെഎസ്ഇബി ഉദ്യോഗസ്ഥർ പൊലീസിനെ സമീപിച്ചു. ആലുവ വെസ്റ്റ് ഇലക്ട്രിക്കൽ സെക്ഷൻ അസിസ്റ്റന്റ് എൻജിനീയറാണ് ആലുവ സർക്കിൾ ഇൻസ്പെക്ടർക്ക് ഇതുസംബന്ധിച്ച് ഔദ്യോഗികമായി പരാതി നൽകിയത്.
കടുത്ത വേനലിൽ വൈദ്യുതി തടസ്സപ്പെടുന്നത് ജനങ്ങളെ പ്രകോപിതരാക്കുന്ന സാഹചര്യത്തിലാണ് ഉദ്യോഗസ്ഥരുടെ ഈ നീക്കം. രാത്രികാലങ്ങളിൽ വൈദ്യുതി നിലയ്ക്കുമ്പോൾ വലിയൊരു ജനക്കൂട്ടം ഓഫീസിലേക്ക് ഇരച്ചെത്തുന്നതും ഉദ്യോഗസ്ഥരോട് തട്ടിക്കയറുന്നതും പതിവായിരിക്കുകയാണ്. ആലുവ തോട്ടയ്ക്കാട്ടുകരയിലെ കെഎസ്ഇബി ഓഫീസിലേക്ക് കഴിഞ്ഞ ദിവസം പുലർച്ചെ പ്രദേശവാസികൾ കിടക്കയും തലയണയുമായി എത്തി ‘കിടന്നു സമരം’ നടത്തിയത് വലിയ വാർത്തയായിരുന്നു.
രാത്രി ഷിഫ്റ്റുകളിൽ ജോലി ചെയ്യുന്ന ജീവനക്കാർക്ക് നേരെ കടുത്ത ഭീഷണിയുണ്ടെന്ന് പരാതിയിൽ ചൂണ്ടിക്കാട്ടുന്നു.
