അന്വേഷണം വാർത്തകൾ ലഭിക്കാന് വാട്സാപ്പ് ചാനലില് ചേരൂ.കേരളത്തിന്റെ രാഷ്ട്രീയഭാവി നിർണ്ണയിക്കുന്ന നിയമസഭാ തിരഞ്ഞെടുപ്പിന്റെ വോട്ടെണ്ണൽ നാളെ നടക്കും. സംസ്ഥാനത്തെ 140 മണ്ഡലങ്ങളിലായി 43 കേന്ദ്രങ്ങളിലാണ് വോട്ടെണ്ണലിന് സജ്ജീകരണങ്ങൾ ഒരുക്കിയിരിക്കുന്നത്.
കേരളത്തിന് പുറമെ തമിഴ്നാട്, ബംഗാൾ, അസം, പുതുച്ചേരി എന്നിവിടങ്ങളിലെ ഫലവും നാളെ പുറത്തുവരും.
രാവിലെ 8 മണിക്ക് സ്ട്രോങ്ങ് റൂമുകൾ തുറക്കുന്നതോടെ വോട്ടെണ്ണൽ ആരംഭിക്കും. ആദ്യം തപാൽ വോട്ടുകളാണ് എണ്ണുക. ആദ്യഫല സൂചനകൾ 8:30-ഓടെ ലഭ്യമായിത്തുടങ്ങും.
മുന്നണികള് നെഞ്ചിടിപ്പോടെയാണ് ഓരോ നിമിഷവും തള്ളിനീക്കുന്നത്. ഭരണത്തുടർച്ചയുണ്ടാകുമെന്ന് എൽഡിഎഫും, അധികാരം തിരിച്ചുപിടിക്കുമെന്ന് യുഡിഎഫും ഉറച്ചു വിശ്വസിക്കുന്നു.
ശക്തമായ സാന്നിധ്യമാകുമെന്ന് എൻഡിഎയും കരുതുന്നു. കൂട്ടലും കിഴിക്കലുമായി രാഷ്ട്രീയ ക്യാമ്പുകൾ വലിയ ആകാംക്ഷയിലാണ്.
