അന്വേഷണം വാർത്തകൾ ലഭിക്കാന് വാട്സാപ്പ് ചാനലില് ചേരൂ.ആലപ്പുഴ ചേർത്തല പള്ളിപ്പുറം തവണക്കടവ് കായലിലെ ഡ്രജിംഗിനെതിരെ തീര സംരക്ഷണ സമിതിയുടെ നേതൃത്വത്തിൽ നടന്നു വരുന്ന സമരപ്പന്തലിൽ പോലിസ് ഇടിച്ച് കയറി, പ്രവർത്തകർ ശാന്തമായി സംസാരിച്ചതിനാൽ സംഘർഷം ഒഴിവായി. മൈക്ക് അനുമതി സംബന്ധിച്ച് പോലീസ് ഇടപ്പെട്ടതാണ് വാക്ക് തർക്കത്തിന് ഇടയായത്. സമാധാനപരമായി സമരം ചെയ്യുന്ന സാധാരണകരായ ജനങ്ങളെ ഭീഷണിപ്പെടുത്തി, സമരം അടിച്ചമർത്താൻ പോലീസ് ശ്രമിക്കുന്നത് ജനാധ്യപത്യ ലംഘനമാണെന്ന് സമരസമിതി ചെയർമാൻ പി.ഡി സബീഷ് പറഞ്ഞു.
പോലീസ് മൈക്ക് ബലം പ്രയോഗിച്ച് മാറ്റിയെങ്കിലും യോഗം ശാന്തമായി തന്നെ തുടർന്നു. വരും ദിവസങ്ങളിൽ സമരം ശക്തമാക്കുമെന്ന് സമരസമിതി നേതാക്കൾ വ്യക്തമാക്കി. വൈകീട്ട് നടന്ന ധർണ്ണ ജില്ലാ പഞ്ചായത്ത് അംഗം രാജേഷ് വിവേകാനന്ദ ഉത്ഘാടനം ചെയ്തു. സമരസമിതി ജനറൽ കൺവീനർ ജോസഫ് സെൻന്തോ അദ്ധ്യക്ഷത വഹിച്ചു. ആലപ്പുഴ ഡി സി സി സെക്രട്ടറി എം ആർ രാജേഷ് തുടങ്ങിയവർ സംസാരിച്ചു.
