അന്വേഷണം വാർത്തകൾ ലഭിക്കാന് വാട്സാപ്പ് ചാനലില് ചേരൂ.അടുത്ത 3 – 4 ദിവസങ്ങള്ക്കുള്ളില് തെക്കുപടിഞ്ഞാറന് കാലവര്ഷം കേരളത്തിലെയും തമിഴ്നാട്ടിലെയും ചില ഭാഗങ്ങളിലേക്ക് എത്തിച്ചേരുന്നതിന് അനുകൂലമായ സാഹചര്യങ്ങള് നിലനില്ക്കുന്നുവെന്ന് കാലാവല്ഥാ നിരീക്ഷണ കേന്ദ്രം. ഇതോടൊപ്പം തെക്കുപടിഞ്ഞാറന് അറബിക്കടല്, തെക്കുകിഴക്കന് അറബിക്കടല്, ലക്ഷദ്വീപ് ദ്വീപുകള് എന്നിവയുടെ കൂടുതല് ഭാഗങ്ങളിലേക്കും, മധ്യ-പടിഞ്ഞാറന്, മധ്യ-കിഴക്കന്, വടക്കുകിഴക്കന് ബംഗാള് ഉള്ക്കടലിലെ കൂടുതല് ഭാഗങ്ങളിലേക്കും, തെക്കുകിഴക്കന് ബംഗാള് ഉള്ക്കടലിന്റെ അവശേഷിക്കുന്ന ഭാഗങ്ങളിലേക്കും കാലവര്ഷം വ്യാപിക്കാന് സാധ്യത.
തെക്കുകിഴക്കന് അറബിക്കടലിനും സമീപ പ്രദേശങ്ങള്ക്കും മുകളിലായി നിലനിന്നിരുന്ന ചക്രവാതച്ചുഴി തെക്കുകിഴക്കന് അറബിക്കടലിലും തെക്കന് കേരള തീരത്തിനും സമീപത്തുമായി സമുദ്രനിരപ്പില് നിന്ന് 3.1 മുതല് 5.8 കി.മീ വരെ ഉയരത്തില് സ്ഥിതി ചെയ്യുന്നു. തെക്കുപടിഞ്ഞാറന് അറബിക്കടലിനും സമീപ പ്രദേശങ്ങള്ക്കും മുകളിലായി നിലനില്ക്കുന്ന ചക്രവാതച്ചുഴി ഇപ്പോള് സമുദ്രനിരപ്പില് നിന്ന് 3.1 മുതല് 7.6 കി.മീ വരെ ഉയരത്തില് വ്യാപിച്ചുകിടക്കുന്നു.
മധ്യ കിഴക്കന് ബംഗാള് ഉള്ക്കടലിനും സമീപ വടക്കു കിഴക്കന് ബംഗാള് ഉള്ക്കടലിനും മുകളിലായി സമുദ്രനിരപ്പില് നിന്ന് 5.8 കി.മീ വരെ ഉയരത്തില് സ്ഥിതി ചെയ്യുന്ന ചക്രവാതച്ചുഴി തുടരുന്നു. ജൂണ് 3, 4 തീയതികളില് കേരളത്തിലും മാഹിയിലും ഒറ്റപ്പെട്ട അതിശക്തമായ മഴയ്ക്ക് (Heavy to Very Heavy rainfall) സാധ്യത. മെയ് 31 മുതല് ജൂണ് 4 വരെ തീയതികളില് കേരളത്തിലും മാഹിയിലും ഒറ്റപ്പെട്ട ശക്തമായ മഴയ്ക്ക് (Heavy rainfall) സാധ്യത.
