അന്വേഷണം വാർത്തകൾ ലഭിക്കാന് വാട്സാപ്പ് ചാനലില് ചേരൂ.അമ്മ സംഘടനയിലെ നാറുന്ന പ്രശ്നങ്ങളില് ഇടപെടുന്ന പാലക്കാട് എം.എല്.എ രമേഷ് പിഷാരടിേെയാട് നല്ല ഉഫദേശം നല്കുകയാണ് പ്രൊഡക്ഷന് കണ്ട്രോളര് ഷാജി പട്ടിക്കര. പ്രിയപ്പെട്ട രമേഷ് പിഷാരടിക്ക് ഒരു തുറന്ന കത്ത് എന്നരീതിയിലാണ് ഷാജി പട്ടിക്കരയുടെ സ്നോഹ നിര്ദ്ദേശം എഴുതിയിരിക്കുന്നത്.
പ്രിയ സുഹൃത്തേ,
പാലക്കാടിന്റെ മണ്ണില് നിന്ന് ആ നാടിന്റെ വികസന വിഥീയില് ശക്തമായി മുന്നേറാന് താങ്കള്ക്ക് കഴിയട്ടെയെന്ന് ആശംസിക്കുന്നു. കേരള നിയമസഭയില് താങ്കള്ക്ക് അംഗമാകാന് കഴിഞ്ഞതില് ഞാന് വ്യക്തിപരമായി ഏറെ സന്തോഷിക്കുന്നു. നിയമസഭാംഗമായി സത്യപ്രതിജ്ഞ ചെയ്ത ശേഷം താങ്കള് സ്വീകരിച്ച നിലപാടുകള് സ്വാഗാതാര്ഹമാണ്. അഭിമാനം തോന്നിയ നിമിഷമാണ്. ഒരു എം എല് എ എന്ന നിലയില് അഞ്ച് വര്ഷം പൂര്ണ്ണമായും മണ്ഡലത്തില് പ്രവര്ത്തിക്കും. താമസം പാലക്കാട് തന്നെയാകും. എന്നു താങ്കള് പറഞ്ഞിരുന്നു, പക്ഷേ അതിലു പ്രതീക്ഷ നല്കിയ ഒരു വാഗ്ദാനം താങ്കള് പാലക്കാട് ജനതക്ക് നല്കി. എം എല് എ ആയിരിക്കുന്ന 5 വര്ഷം സിനിമാ ടെലിവിഷന് രംഗത്ത് നിന്ന് വിട്ട് നില്ക്കും എന്ന് പറഞ്ഞിരുന്നു. സിനിമ രംഗത്ത് സംവിധാനം, അഭിനയം, ചാനല് പരിപാടികള് ഒന്നും ചെയ്യില്ല , എന്നാണ് പറഞ്ഞത്. മലയാള സിനിമ ലോകവും, കേരള ജനതയും താങ്കളുടെ ഈ നിലപാടിനെ ഹൃദയത്തില് സ്വീകരിച്ചു.
എന്നാല് താങ്കള് ആ നിലപാടില് നിന്ന് മാറിയതായ് തോന്നുന്നു. താങ്കള് എം എല് എ ആയി മികച്ച പ്രകടനം കാഴ്ച വച്ച് പ്രവര്ത്തിക്കുന്ന ഈ സാഹചര്യത്തില്, താര സംഘടനയായ ‘അമ്മ’ യില് ഇടക്കാല ഭരണത്തിനായി രൂപികരിച്ച അഡ് ഹോക്ക് കമ്മിറ്റിയുടെ കണ്വീനര് സ്ഥാനം സ്വീകരിക്കാന് പാടില്ലായിരുന്നു. പ്രത്യേകിച്ച് ‘അമ്മ’ വിവാദപരമായ സാഹചര്യത്തില് കടന്നുപോവുമ്പോള് താങ്കള് കണ്വീനര് പദവി എടുക്കാന് പാടില്ലായിരുന്നു. എന്നാല് ഇപ്പോള് താങ്കള് അപമാനിതനായി ആ പദവി രാജിഒഴിയേണ്ടി വന്നിരിക്കുന്നു. താങ്കള് അമ്മ പ്രസിസന്റ് ശ്വേതാ മേനോനുമായി സംസാരിച്ച സ്വകാര്യ ഫോണ് സംഭാഷണ ഓഡിയോ പുറത്തു വന്നു, മാധ്യമങ്ങള് അത് വാര്ത്തയാക്കി. ഇതെല്ലാം താങ്കള്ക്ക് ഒഴിവാക്കാമായിരുന്നു. നല്ല സംവിധായകനും , നടനും , ചാനല് അവതാരകനുമായ താങ്കള് നല്ലയൊരു മനുഷ്യ സ്നേഹിയുമാണ്. ഈ അഞ്ച് വര്ഷം താങ്കള് എം എല് എ എന്ന നിലയില് മികച്ച വികസന പ്രവര്ത്തനങ്ങള് നടത്തുക, താങ്കള്ക്ക് രാഷ്ടീയത്തില് നല്ലയൊരു ഭാവിയുണ്ട്. ജനങ്ങള് ആ പ്രതീക്ഷയിലാണ്
താല്ക്കാലം താങ്കളുടെ നിലപാട് പോലെ സിനിമയില് നിന്ന് വിട്ട് നില്ക്കുക. അതാണ് നല്ലത്. ഇത് ഒരു ഉപദേശമല്ല. താങ്കളെ സ്നേഹിക്കുന്ന ഒരു സിനിമ പ്രവര്ത്തന്റെ സ്നേഹത്തോടെയുള്ള അഭിപ്രായമാണ്
സസ്നേഹം
ഷാജി പട്ടിക്കര
(പ്രൊഡക്ഷന് കണ്ട്രോളര്)
