അന്വേഷണം വാർത്തകൾ ലഭിക്കാന് വാട്സാപ്പ് ചാനലില് ചേരൂ.തിരുവിതാംകൂർ ദേവസ്വം ബോർഡ് ശബരിമല ദേവസ്വം എക്സിക്യൂട്ടീവ് ഓഫീസറായി പി.എസ് ശാന്തകുമാർ ചുമതലയേറ്റു. കേരള ഹൈക്കോടതി ദേവസ്വം ബെഞ്ചിന്റെ അനുമതിയോടെയാണ് നിയമനം. നിലവിൽ തിരുവിതാംകൂർ ദേവസ്വം ബോർഡ് സാംസ്കാരിക പുരാവസ്തു വിഭാഗം ഡയറക്ടറായി പ്രവർത്തിക്കവെയാണ് പുതിയ നിയമനം. തിരുവനന്തപുരം, വെള്ളയമ്പലം, ആൽത്തറ സ്വദേശിയായ പി.എസ് ശാന്തകുമാർ ദേവസ്വം അക്കൗണ്ട്സ് ഓഫീസ് സൂപ്രണ്ട് ,ദേവസ്വം ബോർഡ് അസിസ്റ്റൻറ് സെക്രട്ടറി, ശബരിമല അഡ്മിനിസ്ട്രേറ്റീവ് ഓഫീസർ, സാംസ്കാരിക പുരാവസ്തു വിഭാഗം അസിസ്റ്റൻറ് ഡയറക്ടർ എന്നീ ചുമതലകൾ വഹിച്ചിട്ടുണ്ട്.
