അന്വേഷണം വാർത്തകൾ ലഭിക്കാന് വാട്സാപ്പ് ചാനലില് ചേരൂ.പാണക്കാട് മണ്ണിടിച്ചില് നടന്ന പ്രദേശം സന്ദര്ശിച്ച മന്ത്രി പി.കെ. കുഞ്ഞാലിക്കുട്ടി, ഉദ്യോഗസ്ഥര്ക്കൊപ്പമാണ് സ്ഥിതിഗതികള് വിലയിരുത്തിയത്. സംഭവത്തിന് പിന്നില് അനധികൃത പാറപൊട്ടിക്കലുണ്ടായെന്നാണ് പ്രാഥമിക വിലയിരുത്തല് എന്നും, ഉത്തരവാദികള്ക്കെതിരെ കര്ശന നടപടി സ്വീകരിക്കുമെന്നും മന്ത്രി വ്യക്തമാക്കി.
പെട്രോള് പമ്പ് നിര്മാണത്തിനായി മണ്ണെടുക്കാന് മാത്രമാണ് അനുമതിയുണ്ടായിരുന്നതെന്നും, സ്ഫോടകവസ്തു ഉപയോഗിച്ച് പാറപൊട്ടിക്കാന് യാതൊരു അനുമതിയും നല്കിയിരുന്നില്ല എന്നും മന്ത്രി പറഞ്ഞു. പ്രദേശത്ത് സ്ഫോടനശബ്ദം കേട്ടതിനെ തുടര്ന്ന് പോലീസ് ഇടപെട്ട് പ്രവര്ത്തനം നിര്ത്തിച്ചിരുന്നുവെന്നും, പിന്നീട് വീണ്ടും പൊട്ടിത്തെറി നടന്നതായി നാട്ടുകാര് അറിയിച്ചതായും അദ്ദേഹം വ്യക്തമാക്കി. സംഭവത്തില് ജിയോളജി വകുപ്പിലെ ഉദ്യോഗസ്ഥര്ക്ക് വീഴ്ച സംഭവിച്ചതായി കണ്ടെത്തിയിട്ടുണ്ടെന്നും, ഇതുമായി ബന്ധപ്പെട്ട് ഷോകോസ് നോട്ടീസ് നല്കിയിട്ടുണ്ടെന്നും മന്ത്രി അറിയിച്ചു. മറുപടി പരിശോധിച്ച ശേഷമാകും തുടര്നടപടികള്.
നിലവിലെ മഴയുടെ സാഹചര്യത്തില് പ്രദേശത്തിന്റെ സുരക്ഷ ഉറപ്പാക്കിയ ശേഷമേ റോഡ് തുറക്കൂവെന്നും, വിദഗ്ധ സമിതിയുടെ റിപ്പോര്ട്ടിന്റെ അടിസ്ഥാനത്തിലായിരിക്കും അന്തിമ തീരുമാനം എടുക്കുകയെന്നും മന്ത്രി പറഞ്ഞു. സ്ഥലത്ത് ഇനി നിര്മാണ പ്രവര്ത്തനങ്ങള് അനുവദിക്കില്ല എന്നും അദ്ദേഹം കൂട്ടിച്ചേര്ത്തു. അതേസമയം, ഈ സംഭവത്തെ തുടര്ന്ന് സംസ്ഥാനത്തുടനീളമുള്ള അനധികൃത ക്വാറി പ്രവര്ത്തനങ്ങള്ക്കും പാറപൊട്ടിക്കലുകള്ക്കും എതിരെ പരിശോധന ശക്തമാക്കാന് നിര്ദേശം നല്കിയിട്ടുണ്ടെന്നും മന്ത്രി വ്യക്തമാക്കി.
