അന്വേഷണം വാർത്തകൾ ലഭിക്കാന് വാട്സാപ്പ് ചാനലില് ചേരൂ.യുക്രെയ്ൻ-റഷ്യ സംഘർഷം പരിഹരിക്കാനുള്ള ഇന്ത്യയുടെ സമാധാന ശ്രമങ്ങളെ സ്വാഗതം ചെയ്ത് റഷ്യ. സംഘർഷത്തിന് നയതന്ത്ര വഴിയിലൂടെ പരിഹാരം കണ്ടെത്താനാണ് റഷ്യയും ആഗ്രഹിക്കുന്നതെന്ന് റഷ്യൻ വിദേശകാര്യ മന്ത്രാലയം വ്യക്തമാക്കി.
നിലവിലെ സമാധാന നീക്കങ്ങൾ വിലയിരുത്തുന്നതിനായി പ്രധാനമന്ത്രി നരേന്ദ്ര മോദിയും റഷ്യൻ പ്രസിഡന്റ് വ്ളാഡിമിർ പുടിനും വെള്ളിയാഴ്ച കൂടിക്കാഴ്ച നടത്തും.
സംഘർഷം അവസാനിപ്പിക്കാൻ സഹായിക്കുന്ന ഏത് തരം ഇടപെടലുകൾക്കും പിന്തുണ നൽകാൻ ഇന്ത്യ സദ്ധമാണെന്ന് വിദേശകാര്യ മന്ത്രാലയം വ്യക്തമാക്കി.
വിദേശകാര്യ മന്ത്രി എസ്. ജയശങ്കറിന്റെ സമീപകാല യുക്രെയ്ൻ, പോളണ്ട് സന്ദർശനങ്ങൾ ചർച്ചകളിലൂടെ പ്രശ്നപരിഹാരം കണ്ടെത്താനുള്ള ശ്രമങ്ങളുടെ ഭാഗമായിരുന്നുവെന്ന് വിദേശകാര്യ മന്ത്രാലയ വക്താവ് രൺധീർ ജയ്സ്വാൾ പറഞ്ഞു. സെപ്റ്റംബർ 3-ന് കീവിലെത്തിയ ജയശങ്കർ യുക്രെയ്ൻ വിദേശകാര്യ മന്ത്രി ആൻഡ്രി സിബിഹ, പ്രസിഡന്റ് വോളോഡിമിർ സെലെൻസ്കി എന്നിവരുമായി കൂടിക്കാഴ്ച നടത്തിയിരുന്നു.
കഴിഞ്ഞ മാസങ്ങളിൽ റഷ്യയിൽ നിന്ന് ഇന്ത്യയിലേക്കുള്ള ഇന്ധന കയറ്റുമതിയിൽ വർദ്ധനവുണ്ടായതായും റഷ്യൻ വിദേശകാര്യ മന്ത്രാലയം വിശദീകരിച്ചു.
വരാനിരിക്കുന്ന ബ്രിക്സ് ഉച്ചകോടിയിൽ സമാധാന ശ്രമങ്ങൾ സംബന്ധിച്ച് സംയുക്ത പ്രഖ്യാപനം പാസാക്കാൻ സാധിക്കുമെന്നാണ് വിലയിരുത്തൽ.
