അന്വേഷണം വാർത്തകൾ ലഭിക്കാന് വാട്സാപ്പ് ചാനലില് ചേരൂ.കയ്യിലെ കൊഴുപ്പ് നീക്കൽ ശസ്ത്രക്രിയയ്ക്ക് പിന്നാലെ ആരോഗ്യനില ഗുരുതരാവസ്ഥയിലായിരുന്ന യുവതി മരിച്ചു. വെങ്കോട്ട മുണ്ടുകുഴി സ്വദേശി വിദ്യ (45) ആണ് ചികിത്സയിലിരിക്കെ മരിച്ചത്. സംഭവം ചികിത്സാപ്പിഴവാണെന്ന് ആരോപിച്ച് കുടുംബം ചങ്ങനാശ്ശേരി പോലീസിൽ പരാതി നൽകി.
തിരുവല്ലയിലെ മള്ട്ടി സ്പെഷ്യാലിറ്റി ഹെല്ത്ത് ഹെയര് സെന്ററിന് എതിരെയാണ് പരാതി നല്കിയത്. ചികിത്സയ്ക്കിടെ ഹൃദയാഘാതം സംഭവിച്ചിട്ടും കൃത്യമായ ചികിത്സ നല്കിയില്ലെന്നാണ് കുടുംബത്തിന്റെ ആരോപണം.
സിപിആര് നല്കിയതിലെ പിഴവ് മൂല് ബ്രെയിന് ഡാമേജ് സംഭവിച്ചു. ഗുരുതരാവസ്ഥ ആശുപത്രി അധികൃതര് മറച്ചുവെച്ചു. കയ്യിലെ കൊഴുപ്പുനീക്കം ചെയ്ത ശസ്ത്രക്രിയയിലും പിഴവ് ഉണ്ടായി തുടങ്ങിയ ആരോപണങ്ങളാണ് യുവതിയുടെ കുടുംബം ആരോപിക്കുന്നത്.
ഇക്കഴിഞ്ഞ 16നാണ് കയ്യിലെ കൊഴുപ്പ് നീക്കുന്നതിനായി വിദ്യ ശസ്ത്രക്രിയ നടത്തിയത്. എന്നാല് ശസ്ത്രക്രിയയ്ക്ക് പിന്നാലെ വിദ്യയുടെ ആരോഗ്യസ്ഥിതി ഗുരുതരമാവുകയും തിരുവല്ലയിലെ സ്വകാര്യ മെഡിക്കല് കോളേജ് ആശുപത്രിയില് പ്രവേശിപ്പിക്കുകയുമായിരുന്നു. ചികിത്സയിലിരിക്കെ ഇന്നലെ രാത്രിയാണ് വിദ്യ മരിച്ചത്.
കുടുംബത്തിന്റെ ആരോപണം ആശുപത്രി അധികൃതര് നിഷേധിച്ചു. ചികിത്സാപ്പിഴവ് സംഭവിച്ചിട്ടില്ലെന്നും ഹൃദയാഘാതമാണ് മരണകാരണമെന്നുമാണ് ആശുപത്രിയുടെ വിശദീകരണം. എസ് സന്തോഷ് ആണ് വിദ്യയുടെ ഭര്ത്താവ്. സിദ്ധാര്ത്ഥ്, സംഗീത് എന്നിവരാണ് മക്കള്.
