അന്വേഷണം വാർത്തകൾ ലഭിക്കാന്‍ വാട്സാപ്പ് ചാനലില്‍ ചേരൂ.വയോജന വകുപ്പ് ബില്ല് ഇന്ന് നിയമസഭയിൽ അവതരിപ്പിക്കും. രാജ്യത്ത് ആദ്യമായാണ് വയോജനങ്ങൾക്കായി ഒരു വകുപ്പ് രൂപീകരിക്കാനുള്ള തീരുമാനം. ഇന്നലെ കണ്ടതിന് വ്യത്യസ്തമായി വിവിധ വിഷയങ്ങൾ ഉയർത്തി പ്രതിപക്ഷം ഇന്ന് പ്രതിഷേധം ഉയർത്തും എന്നാണ് സൂചന. ശ്രദ്ധ ക്ഷണിക്കലായി ആരോഗ്യ മേഖലയിലെ പ്രതിസന്ധിയും മരുന്നു ക്ഷാമവും പ്രതിപക്ഷം കൊണ്ടുവരും കൂടാതെ സ്വകാര്യ സർവകലാശാല ബിൽ പിൻവലിക്കാനുള്ള പ്രമേയവും സമ്മേളനത്തിലെ പ്രധാന അജണ്ടകളാണ്. മുഖ്യമന്ത്രിയുടെ വിമാനയാത്ര, മന്ത്രിമാരുടെ വിദേശയാത്ര, വൈദ്യുതി നിയന്ത്രണം തുടങ്ങിയ വിഷയങ്ങൾ ഉയർത്തി സർക്കാരിനെതിരെ ശക്തമായ വിമർശനം ഉന്നയിക്കാനാണ് പ്രതിപക്ഷത്തിന്റെ നീക്കം.
നേരത്തേ എൽഡിഎഫ് സർക്കാർ പാസാക്കിയ സ്വകാര്യ സർവകലാശാല ബിൽ പിൻവലിക്കുന്നതിനുള്ള പ്രമേയവും സഭയുടെ പരിഗണനയ്ക്ക് വരും. ഈ മാസം 29 വരെ നീളുന്ന സമ്മേളനം ഇടവേളകൾ ഉൾപ്പെടെ ആകെ ഒമ്പത് ദിവസമാണ് ചേരുക. വിവിധ രാഷ്ട്രീയ വിവാദങ്ങളും സർക്കാരിന്റെ നയപരമായ തീരുമാനങ്ങളും സഭയിൽ ചൂടേറിയ ചർച്ചകൾക്ക് വഴിവെക്കുമെന്നാണ് പ്രതീക്ഷ.
